RC SENYAMULE ATAKA MIRADI YOTE YA MKOA KUKAMILIKA KWA WAKATI ULIOKUSUDIWA

Imetumwa : November 5th, 2025

Na. Elizabeth S. Dai- DODOMA

Wakandarasi na washauri wa miradi ya maendeleo Dodoma wametakiwa kukamilisha miradi hiyo kwa wakati na ubora uliokusudiwa.

Hayo yamebainishwa na Mkuu wa Mkoa wa Dodoma Mhe. Rosemary Senyamule wakati wa ziara yake ya  ukaguzi wa miradi katika Halmashauri ya Jiji la Dodoma leo Novemba 06, 2025.

“Wito wa sasa ni kwamba haijalishi kulikua na sababu gani zilizopelekea mradi huu kuchelewa tunachokielekeza kwa sasa tujipange upya, mkandarasi pamoja na mshauri wajipange vizuri soko la Majengo liishe kwa muda uliokusudiwa”.

Vilevile Mhe. Senyamule amesema kuwa Serikali inaendelea kutoa huduma nyingi kuhakikisha wananchi wanapata huduma nzuri na pia Dodoma inaendelea kuwa na miundombinu ya hadhi  ya makao makuu.

Akizungumza kwa niaba ya Wakandarasi,Mhandisi  Happiness Mgalula ameahidi kukamilisha miradi hiyo kwa wakati uliokusudiwa ili kuruhusu shughuli za wananchi kuendelea hasa kwenye soko kuu la Majengo.

Miradi hiyo ya Halmashauri ya Jiji la Dodoma inajumuisha miradi mbalimbali kama mradi wa uboreshaji wa barabara ya Jumuiya ya Ilazo kwa kiwango cha lami kilomita 2.45, upanuzi wa mfereji wa maji ya Mvua Ilazo/ Ipagala wenye kilometa 2.05, uboreshaji wa soko kuu la Majengo pamoja na kituo cha daladala eneo la Mshikamano.

#DodomaFahariYaWatanzania

#WekezaDodomaStawishaDodoma

#KeroYakoWajibuWangu