“ HATUA ZA KISHERIA KUCHUKULIWA KWA MZAZI/MLEZI AMBAYE MTOTO WAKE HATARIPOTI SHULE KWA WAKATI “ - RC SENYAMULE

Imetumwa : January 10th, 2025

Na Sofia Remmi.

Habari-Dodoma Rs

Mkuu wa Mkoa wa Dodoma Mhe.Rosemary Senyamule ameyasema hayo leo tarehe 10 Januari 2025, wakati akizungumza na Waandishi wa Habari kuhusu kuanza kwa muhula mpya wa masomo  ambapo shule zinatarajia kufunguliwa tarehe 13 Januari 2025.

Mkutano huo umefanyika katika ukumbi wa mikutano wa ofisi yake Jengo la Mkapa jijini Dodoma.

Akizungumza na waandishi hao Mhe Senyamule amesema "Zikiwa zimesalia siku chache kuanza kwa muhula mpya wa masomo,napenda kuwasisitiza wazazi na walezi kuhakikisha watoto wote wenye umri wa kwenda shule ( Darasa la awali na darasa la kwanza),waliochaguliwa kuanza  kidato cha kwanza pamoja na wale wanaoendelea na madarasa mengine wanakwenda shule bila kisingizio chochote.

“Serikali ya awamu ya sita imefanya uwekezaji mkubwa wa miundombinu ya shule na kutoa fedha nyingi kwa ajili ya kugharamia elimu bila malipo.

“Hatutakuwa na Mzaha kabisa katika kufuatilia na hatua za kisheria zitachukuliwa kwa wazazi au walezi wote ambao watoto wao hawataripoti shule kwa wakati bila kuwa na sababu za msingi” amesema Mhe. Senyamule.

Aidha Mhe.  Senyamule amesisitiza suala la walimu kuhakikisha maandalizi mazuri ya kupokea wanafunzi,na kwamba wapokelewe bila vikwazo,elimu bila malipo izingatiwe na kusiwe na michango isiyofuata utaratibu.Ulinzi wa watoto ni wajibu wa watu wote,na wafanyabishara wauze bidhaa  kwa bei za zinazotakiwa  ili kuwaondolea Wazazi ugumu katika kutekeleza jukumu wa kuwanunulia watoto wao mahitaji.

Katika hatua nyingie Mhe Senyamule amezungumza kuhusu mkutano mkubwa wa Chama Cha Mapinduzi( CCM) unaotarajiwa kufanyika  tarehe 18/01 na 19/1/2025 katika ukumbi wa Jakaya Kikwete convertion.

#dodomafahariyawatanzania

# Bringdodoma to the world,andbringtheworld tododoma