MWENGE WAKAGUA MIRADI YA SHILINGI BILIONI 1.5 KONDOA MJI

Imetumwa : June 30th, 2024

MWENGE WAKAGUA MIRADI YA BILIONI 1.5 KONDOA MJI

Mwenge wa Uhuru umekimbizwa leo Juni 30, 2024 katika Halmashauri ya Mji Kondoa katika Wilaya ya Kondoa, Mkoa wa Dodoma ambapo umepitia kwenye miradi 6 yenye thamani ya shilingi Bilioni 1.5

Miradi iliyopitiwa na Mwenge huo ni pamoja na Duka la vijana wajasiriamali, mradi wa Maji Hachwi, mradi wa barabara Gubali Bolisa-Iboni, Bweni la wanafunzi wenye mahitaji maalum Iboni, mradi wa msitu wa Miombo Hachwi na mradi wa Zahanati ya Choka.

Akiwa katika mradi wa Maji Hachwi Kiongozi wa Mbio za Mwenge Kitaifa 2024, Ndugu Godfrey Mnzava amewahakikishia wananchi wa mtaa wa Hachwi kuwa mradi wa maji unaoendelea utakamilika na kutoa huduma kwa kuwa umefikia asilimia 90 ya utekelezaji wake.

Hata hivyo, Baada ya kuongea na wananchi waliofika kuupokea Mwenge wa Uhuru, ameweka jiwe la Msingi katika mradi wa maji Hachwi ambao umegharimu shilingi Milioni 800 zilizotolewa na Serikali kuu.

Pia mradi huo unatarajiwa kuwanufaisha wananchi zaidi ya 2000 wa Mtaa huo.

Katika hatua nyingine, akiwa katika Mradi wa msitu wa miombo kiongozi huyo amewataka wananchi kuendelea kutunza Mazingira na kuyahifadhi vizuri.

"Shughuli zetu za Kilimo ambazo hazizingatii uendelevu na uhifadhi mzuri wa Mazingira zimeleta changamoto katika Mazingira yetu"

Kwa upande wa Shughuli za ufugaji, watu wanafuga bila tija, wanazururisha mifugo na kuleta changamoto kwenye Mazingira". Amesema

Akitoa salaam za Jimbo la Kondoa Mji Mbunge wa Jimbo hilo Mhe. Ally Makoa amemshukuru Rais Mhe. Dkt. Samia Suluhu Hassan kwa kuwaletea fedha za mradi huo kwani wananchi walikuwa wakipata tabu ya maji kwa kipindi kirefu.