rc dkt. mahenge ataka uandikishaji wa wananchi chf kwa asilimia 100%

Imetumwa : July 6th, 2019

mkuu wa mkoa wa dodoma dkt. binilith mahenge amemwagiza katibu tawala wa mkoa wa dodoma na viongozi wote wa wilaya zote za mkoa wa dodoma kuhakikisha kaya zote 447,773 kwenye halmashauri za mkoa wa dodoma kuandikishwa kwenye mfuko wa afya ya jamii chf iliyoboreshwa kufikia mwezi disemba 2019 ili wananchi waweze kufaidika na maboresho makubwa yaliyofanywa na rais magufuli kwenye sekta ya afya.

dkt. mahenge amesema licha ya mkoa wa dodoma kuongoza kitaifa katika kuandikisha wananchi kwenye chf kwa kufanikiwa kuandikisha kaya 17,366 kati ya kaya 447,773 kufikia mwezi juni, 2019, kiwango hiko bado ni kidogo ukilinganisha na kaya 447,773 zilizopo kwenye halmasahauri za mkoa wa dodoma ambazo bado hazijaandikishwa kwenye mfuko wa chf.

dkt. mahenge alitoa maagizo hayo julai 6, 2019 wakati akizindua kampeni za kuhamasisha wananchi kujiunga na mfuko wa bima ya afya ya jamii chf iliyofanyika kwenye kijiji cha nzali wilayani chamwino ambapo aliwataka wananchi kuchangamkia fursa ya maboresho ya huduma za afya yaliyofanywa na rais magufuli kwa kujiandikisha kwenye bima ya afya ya jamii akibainisha kuwa kwa sasa mkoa wa dodoma kila wilaya imejengengewa vituo vya afya na wilaya tatu za bahi, chemba na chamwino wamejengewa hospitali mpya za wilaya na wilaya ya chamwino wanajengewa hospitali kubwa ya uhuru. aidha, alibainisha kuwa bajeti ya dawa imeongezeka kutoka shilingi milioni 900 mwaka 2015 hadi kufikia bilioni 9 mwaka huu jambo litakalopelekea kumaliza kabisa uhaba wa dawa kwenye hospitali zetu.