RC DODOMA AAHIDI KUENDELEZA USHIRIKIANO NA IRELAND

Imetumwa : March 17th, 2025

Na. Sizah Kangalawe

Habari- Dodoma RS

Mkuu wa Mkoa wa Dodoma Mhe. Rosemary Senyamule, March 17, 2025 ameshiriki hafla iliyoandaliwa na Ubalozi wa Ireland Nchini ikiwa ni kumbukizi ya  St. Patrick ambapo siku hiyo huadhimishwa Machi 17 kila mwaka Nchini Ireland pamoja na Duniani Kote kupitia Ofisi za ubalozi katika Nchi husika.

Hafla hiyo imefanyika katika viwanja vya  Mgahawa wa Collina Jijini Dodoma ikiongozwa na Balozi wa Ireland Nchini Bi. Nicola Brennan.

Akizungumza na washiriki wa hafla hiyo, Mhe. Senyamule amewapongeza ubalozi huo kwa kuamua kufanyia hafla hiyo Jijini hapa kwani kwa kufanya hivyo wameendelea kuifaharisha Dodoma.

Katika hatua nyingine RC Senyamule ameahidi kuendelea kushirikiana vyema na Ubalozi huo kwani wamekua na mchango mkubwa katika kuunga mkono shughuli mbalimbali za kimaendeleo hususani katika mabadiliko ya hali ya hewa.

#dodomafahariyawatanzania

#takedodomatotheworldandbringtheworldtododoma

#karibudodoma