RC SENYAMULE ATEMBELEWA NA WAWEKEZAJI KUTOKA CHINA

Imetumwa : December 13th, 2024

Na. Hellen M. Minja,

       Habari – DODOMA RS

Mkuu wa Mkoa wa Dodoma Mhe. Rosemary Senyamule, ametembelewa na wawekezaji kutoka nchini China wakiongozwa na Balozi wa kuutangaza Mkoa wa Dodoma nchini humo Bw. Japhet Patrick Konzu, ofisini kwake, jengo la Mkapa Jijini Dodoma leo Disemba 13, 2024.

Wawekezaji hao kutoka Kampuni ya Guangdong JianKe Architecture Design Institute Co. Ltd, inayojishughulisha na ubunifu wa majengo pamoja na ujenzi, wamefika ofisini hapa kwa lengo la kujitambulisha,kutangaza fursa za uwekezaji zilizopo katika Mkoa huu,sambamba  na kuomba wapatiwe eneo kwa ajili ya kujenga ofisi zao.

Akizungumza na Wawekezaji hao,Mhe. Senyamule amesema "bado Mkoa wa Dodoma unahitaji maendeleo na kuna kazi kubwa ya kuutangaza Kimataifa.Tunataka kukuza sekta ya kilimo cha zabibu na kukifanya kuwa cha kimkakati kwa kuwekeza kwenye teknolojia za kisasa ili kuvutia watalii"

#dodomafahariyawatanzania

#keroyakowajibuwangu                              

#mtiwangubirthdayyangu

#takedodomatotheworldandbringtheworldtododoma