SENYAMULE AHIMIZA UZALENDO

Imetumwa : January 21st, 2023

Mkuu wa Mkoa wa Dodoma Mhe.Rosemary Senyamule amezindua Rasmi club ya wazalendo katika chuo Cha Serikali za Mitaa Hombolo Mkoa wa Dodoma ambapo zoezi hilo limeenda sambamba zoezi la upandaji miti na kuaapishwa kwa baadhi ya viongozi wa klabu ya uzalendo.

Akizungumza na wanafunzi wa Chuo hicho Mhe. Senyamule amesema kila nchi inatamani iwe na watu wazalendo ili kuwa nakuwa na dhamira Madhubuti ya kulinda na kutetea nchi kwakuwa taifa limekuwa na wazalendo tangu enzi za Mwalimu Julius Kambarage Nyerere.

Ni matamanio ya Serikali ya Tanzania kuona uzalendo unaendelea kudumishwa hata Rais wetu wa Jamhuri ya muhungano wa Tanzania Dkt. Samia Suluhu Hassan anatutendea haki juu ya suala la uzalendo kama kiongozi namba moja ambaye anaonesha uzalendo katika nchi yetu ya Tanzania anatendea haki.

"Uzalendo unaenda mpaka kwenye mazingira, kujituma na kuwa mwaminifu na kuwa na azma ya kuleta maendeleo  katika jamii kufanya kazi kwa bidii hapo utaonesha unaipenda nchi yako, hivyo ni vyema wote muingie kwenye klabu ya uzalendo na ukiwa mzalendo uende ukatoe utatuzi katika jamii ili Tanzania yetu itabadilika

"Kuwa mzalendo kwa kutamani nchi iweze kusonga mbele, kila kitu kinachotokea hakitokei tu ni maandalizi ya Serikali, Maandalizi ya kila mtu mmoja mmoja" Alisisiza Mhe. Senyamule.

Mheshimiwa Senyamule amesema endapo vijana hao watatumia vizuri Taasisi ya Uzalendo kutakuwa na mabadiliko makubwa katika nchi na kuwaasa vijana hao kushawishi wenzao kujiunga na taasisi ya uzalendo ilikuwa na mabadiliko chanya kuanzia ngazi ya Chuo hata nje ya chuo na kuwaahidi ushirikiano ngazi ya mkoa wa Dodoma.

Hafla hiyo ilienda sambamba na zoezi la upandaji miti ambapo katika Chuo Cha Hombolo takriban miti elfu moja imepandwa katika eneo hilo na kutoa rai kwa wanafunzi hao kuendelea na zoezi hilo katika maeneo wanayowazunguka.

Naye Mkuu wa Wilaya Jabir Shekimweli amewahimiza vijana hao kuuenzi uzalendo katika na kusisitiza kuwa uzalendo unaanza ngazi ya kata.

Vile vile Richard Katuma Mratibu wa Taasisi ya Wananchi Wazalendo Tanzania TWW amesema taasisi  hiyo ina lengo la kuhamasisha uzalendo nchi, kuimarisha amani, usalama, kuilinda na kuhimiza watu kufanya kazi kwa bidiii kwa kushirikiana na wananchi kwenye shughuli za maendeleo ya Jamii na kuitangaza nchi  kitaifa na kimataifa.