VIKUNDI VYA KIJAMII VYA MTEMBELEA RAS DODOMA

Imetumwa : December 3rd, 2024

Na; Happiness E. Chindiye 

Habari - Dodoma RS 

Katibu Tawala Mkoa wa Dodoma Bw. Kaspar K. Mmuya leo tarehe 03.12.2024 amepokea ugeni kutoka kwa wanachama na Viongozi wa vikundi vya Dodoma Legends na Friends of Mavunde ofisini kwake Jengo la Mkapa Jijini hapa.

Kundi la 'Dodoma Legends', ni kundi la Whatsapp lililosajiliwa na Halmashauri ya Jiji la Dodoma kama kundi la kijamii kwa ajili ya Maendeleo na lina idadi ya wanachama zaidi ya 1000 ambao ni mchanganyiko wa baadhi ya wafanyabiashara, wajasiriamali, viongozi wa Serikali, viongozi wa siasa walio ndani na nje ya Mkoa wa Dodoma wote wakiwa na lengo la kushiriki katika kuuletea maendeleo Mkoa wa Dodoma.

Lengo la ugeni huo ni kujitambulisha na kutoa taarifa ya shughuli walizopanga kufanya tarehe 14/12/2024 ambazo ni kutoa misaada na kukarabati kituo cha Watoto yatima Ndachi,

kushiriki mbio za pole (jogging) kwa kushirikiana na jogging clubs za Dodoma Mjini na kuchangia Damu katika eneo litakaloandaliwa ndani ya viwanja vya Chinangali Park

Kwa upande wao 'Friends of Mavunde', wameeleza kuwa wamekuwa mstari wa mbele katika kuhamasisha shughuli za maendeleo kwenye Mkoa wa Dodoma kama vile kuhamasisha kujiandikisha kupigakura, kuhamasisha kupiga kura, kuhamasisha Amani na umoja kwa vijana na pia kuwaunganisha na kuwahamasisha vijana kushiriki katika shughuli za uzalishaji.

&&&

#dodomafahariyawatanzania

#keroyakowajibuwangu

#birthdayyangumtiwangu