WAKAZI WA HURUI KONDOA DC WAJENGEWA DARAJA LA BILIONI 1.6

Imetumwa : August 21st, 2024

Makamu wa Rais wa Jamhuri ya Muungano wa Tanzania Mhe. Dkt. Philip Isdor Mpango, amewaagiza viongozi na Wananchi wa Kijiji cha Hurui katika Halmashauri ya Kondoa Vijijini kupanda miti pembezoni kwa kingo za Daraja Hurii ili kutunza Miundombinu yake kwani limegharimu fedha kiasi cha Shilingi Bilioni 1.6 katika Halmashauri ya Kondoa Vijijini.

Ikiwa ni Tarehe 21 Agosti 2024, siku ya tatu ya ziara yake Mkoani Dodoma, akiwa katika Wilaya ya Kondoa, Mhe. Mpango ameweka Jiwe la Msingi kwenye ujenzi wa daraja hilo pamoja na kukagua Mradi ambao umekamilika kwa asilimia 98.

"Hii ni Miundombinu inayogharimu fedha nyingi iwaombe sana viongozi wa Halmashauri ya Kondoa, musimamie zoezi la kupanda miti kwenye kingo za daraja hili ili kuliokoa lisipitiwe tena na maji tena wananchi wakarudi kukosa huduma" Mhe. Dkt. Mpango.

Kadhalika, Mkuu wa Mkoa wa Dodoma Mhe. Rosemary S. Senyamule, amesema kuwa Wilaya hiyo imepokea fedha kwa ajili ya kutekeleza Miradi mbalimbali ya maendeleo takribani shilingi Bilioni 77.9 na kwenye Kata hiyo pekee zimepokelewa shilingi Bilioni 4 kwa ajili ya miradi ya Maji, afya, Elimu, n.k

Aidha, Makamu wa Rais ameongea na Wananchi na kusikiliza baadhi ya kero zao ikiwa ni pamoja na ukosefi wa Maji. Keeoimepatiwa ufumbuzi kupitia Naibu Waziri wa Maji Mhandisi Kundo Methew ambaye ameahidi itakwisha ifikapo Oktoba 30, 2024 baada ya kukamilika kwa mradi unaotekelezwa katika Kijijini cha Madege unaogharimu shilingi Milioni 470 na umefikia 50% ya utekelezaji wake.

Mradi wa ujenzi wa daraja la Hurui, ulikua chini ya wakala wa Barabara Vijijini (TARURA), ulimalizika June 03, 2023 likiwa na urefu wa mita 30, uwezo wa kubeba uzito wa tani 70 na linatarajiwa kudumu kwa miaka 100, limekua mkombozi kwa wanakijiji hao na Vijiji vya jirani kwani limeondoa adha ya kukatika Mawasiliano baina yao na Wananchi wa Mkoa jirani wa Manyara hasa kipindi cha mvua.

#dodomafahariyawatanzania#keroyakowajibuwangu