SEKSHENI YA AFYA MKOA WA DODOMA YATATHIMINI TAKWIMU NA MIPANGO KABAMBE KWA MWAKA 2025/2026

Imetumwa : February 12th, 2025

Na; Happiness E. Chindiye

     Habari - Dodoma RS

Kaimu Mganga Mkuu wa Mkoa wa Dodoma Dkt. Nelson Bukuru leo Februari 12,2025 amefungua kikao kazi cha tathimini ya takwimu na mipango kabambe ya Halmashauri kwa mwaka 2025/2026 . Kikao hicho kimefanyika kwenye Ukumbi wa  Jengo la Ofisi ya Mkuu wa Mkoa.

Kikao hicho kimelenga kuhakikisha takwimu za kila Halmashauri zipo vizuri na Mipango imefuata miongozo na vipaumbele vilivyowekwa ili kuboresha huduma za Afya kwa wananchi wa Mkoa wa huu.

Aidha, mipango hiyo ni lazima ijibu changamoto za wananchi kwa kusogeza huduma karibu,na kuhakikisha huduma za Afya zinaboreka.  

Kikao kazi hicho  kinafanyika  kwa muda wa siku 3 kuanzia leo tarehe 12 hadi 14 Februari, 2025 kwa kuwa na washiriki watatu kutoka katika kila Halmashauri na hivyo kufanya kuwa na jumla ya wajumbe 24.

#dodomafahariyawatanzania

#keroyakowajibuwangu