VIONGOZI WA DINI WASISITIZWA KUHUBIRI AMANI

Imetumwa : May 14th, 2025

Na. Sizah Kangalawe

Viongozi wa Dini Mkoa wa Dodoma wamesisitizwa kuendelea kuliombea Taifa pamoja na kuhubiri Amani kwa waamini wa Dini mbalimbali wanazoziongoza.

Rai hiyo imetolewa na Mkuu wa Mkoa wa Dodoma Mhe. Rosemary Senyamule Mei 14,2025 wakati wa kikao na Viongozi wa Dini wa Mkoa wa Dodoma, Kilichofanyika katika Ukumbi wa Mikutano wa Ofisi yake Jijini Dodoma.

‘’Tunamshukuru sana baba wa Taifa kwa historia, alipotujengea ule umoja hadi mtu unajiuliza aliwezaje? kitu kikubwa kilichofanikisha hili ni ile tuongee lugha moja, lakini pia namna mikoa ilivyogawanywa.Baba wa Taifa alisema kabila moja lisikae Mkoa mzima peke yake, ndio maana utagundua kila Mkoa una kabila zaidi ya moja.

‘’Mwaka huu tunazo chaguzi, nyakati hizi tutasikia maneno mengi masikioni mwetu kwasababu katika chaguzi sio wote wanadhamira njema, lakini tunachowaomba Amani ya Nchi yetu ipewe kipaumbele na umoja wetu wa Kitaifa upewe kipaumbele’’, Mhe. Senyamule

Hata hivyo Mhe. Senyamule ametumia wasaa huo kueleza juu ya ujio wa Siku ya Samia (Samia day) ambayo itakuwa ni siku maalum ya kuelezea mafanikio ya Serikali ya Awamu ya Sita, ambapo siku hiyo itaazimishwa kwa kata zote za Mkoa huu.

#dodomafahariyawatanzania

#wekezadodomastawishadodoma

#kero yakowajibuwangu

#mtiwangubirthdayyangu