RC DR. MAHENGE AWATEMBELEA HOSPITALINI WANANCHI 53 WALIOKULA CHAKULA MSIBANI WAKAKUMBWA NA UGONJWA WA KUHARISHA ENEO LA MTUMBA JIJI LA DODOMA

Imetumwa : December 16th, 2019

WAGONJWA 23 KATI YA 53 WALIOLAZWA HOSPITALI YA RUFAA YA MKOA WA DODOMA BAADA YA KULA CHAKULA MSIBANI NA KUANZA KUHARISHA NA KUTAPIKA WAMERUHUSIWA KURUDI MAJUMBANI MWAO LEO MCHANA KUFUATIA HALI ZAO KUREJEA VIZURI

Mkuu wa Mkoa Dodoma Dkt Binilith Mahenge akiwajulia hali wagonjwa 53 wailiolazwa kwenye hospitali ya Rufaa ya Mkoa wa Dodoma mara baada ya kupata ugonjwa wa kuharisha na kutapika baada ya kula chakula kwenye msiba eneo la mtumba jijini Dodoma jana Disemba 15, 2019, Wagonjwa 23 kati ya hao 53 waliruhusiwa leo mchana baada ya hali zao kurejea vizuri, Mlkuu wa Mkoa Dkt Mahenge aliwapongeza timu ya Wataalamu wa Afya wa Hospitali ya Mkoa wa Dodoma kwa namna walivyowashughulikia wananchi hao na kuhakikisha wanarejea katika hali zao za kawaida bila madhara kutokea. Pia alibainisha kuwa serikali ilitoa matibabu kwa wananchi hao wote 53 bure bila malipo yaoyote ambapo alitumia nafasi hiyo kuwataka wananchi kuwa makini kwenye usafi majumbani na vyakula kwa ujumla kwa kuwa msimu huu wa mvua magonjwa ya milipuko huwa yanatokea.

Mkuu wa Mkoa Dodoma Dkt Binilith Mahenge akiwajulia hali wagonjwa 53 wailiolazwa kwenye hospitali ya Rufaa ya Mkoa wa Dodoma mara baada ya kupata ugonjwa wa kuharisha na kutapika baada ya kula chakula kwenye msiba eneo la mtumba jijini Dodoma jana Disemba 15, 2019, Wagonjwa 23 kati ya hao 53 waliruhusiwa leo mchana baada ya hali zao kurejea vizuri, Mlkuu wa Mkoa Dkt Mahenge aliwapongeza timu ya Wataalamu wa Afya wa Hospitali ya Mkoa wa Dodoma kwa namna walivyowashughulikia wananchi hao na kuhakikisha wanarejea katika hali zao za kawaida bila madhara kutokea. Pia alibainisha kuwa serikali ilitoa matibabu kwa wananchi hao wote 53 bure bila malipo yaoyote ambapo alitumia nafasi hiyo kuwataka wananchi kuwa makini kwenye usafi majumbani na vyakula kwa ujumla kwa kuwa msimu huu wa mvua magonjwa ya milipuko huwa yanatokea.

Kwa upande wake Mganga Mkuu wa Mkoa wa Dodoma Dkt. Best Magoma amewajulisha wananchi kuwa kilichotokea ni kwamba wananchi hao wamekula chakula ambacho inawezekana kilikuwa na vimelea vya uchafu au bakteria wenye kusababisha maambukizi ambao wamechangia wananchi hao waliokula chakula hicho kuharisha na kutapika lakini taarifa za kina na usahihi zitatolewa baada ya majibu ya maabara kutoka kufuatia sampuli mbalimbali ambazo hospitalini hapo wamezichukua na kwenda kuzifanyia uchunguzi maabara.