MKOA UTAENDELEA KUSHIRIKIANA NA WADAU MBALIMBALI KATIKA UTEKELEZAJI WA MASUALA YA KINGA NA UDHIBITI WA MAJANGA YA MOTO

Imetumwa : October 27th, 2025

Na:Sofia Remmi.

Habari:Dodoma RS.

''Nitoe rai kwenu kuhakikisha kila mmoja anachukua hatua za kukinga na kudhibiti majanga ya moto''.

Ni kauli ya Mkuu wa Mkoa wa Dodoma,Mhe. Rosemary Senyamule Leo tarehe 27 Oktoba 2025 wakati wa Uzinduzi wa Mitambo ya  Zimamoto na Uokoaji.

Amesema  Mitambo hiyo itasaidia kutoa huduma kwa haraka na ufanisi kwani kwa kipindi cha mwaka 2025 kuanzia Januari hadi leo kumekuwa na matukio 252, matukio ya moto 176 na maokozi 76 sawa na wastani wa asilimia 68, hivyo mapokezi ya mitambo  hiyo yatasaidia kuongeza ufanisi na kukabiliana na matukio hayo bila kuleta madhara kwa binadamu pia  yatasaidia kufika katika uwanda mpana.

“Mitambo na magari yatatuwezesha kukabiliana na dharura kwa haraka na ufanisi zaidi, hivyo kuokoa maisha na mali. Kuimarisha Usalama: Kwa vifaa vya kisasa, tutaweza kudhibiti na kuzuia majanga kwa ufanisi zaidi, hivyo kuimarisha usalama wa jamii yetu.

Mitambo hii itaweza kufanya kazi kwa ufanisi zaidi na kwa kasi zaidi, hivyo kupunguza madhara yanayoweza kutokea,wakati mwingine kumekuwa kukitokea matukio ya moto, zaidi ya moja kwa wakati mmoja, hali inayopelekea changamoto katika utendaji na Utekelezaji wa majukumu haya kwa ufanisi. Upatikanaji wa mitambo hii utapanua wigo wa utoaji huduma kwa wananchi ukilinganisha na hali ya kipindi cha nyuma”Amesema Mhe. Senyamule.

Hata hivyo,Mkuu wa Wilaya ya Dodoma Mjini Mhe.Alhaji Jabil Shekimweli amesema "Tuna kila sababu za kumshukuru Mhe.Rais kwa kuleta miradi hii mikubwa ambayo kwa sasa kutokea ni jambo ambalo la kushangaza sana Kwani imewezesha mitambo ya kisasa,Vituo vya polisi,Vifaa na nyumba za askari. Hata hivyo vifaa hivyo tuvitunze kwa bidii ili kuendelea kudumu zaidi na zaidi".

Kwa upande wake Kaimu Kamanda wa Jeshi la Zimamoto  Mkoa wa Dodoma Rehema Mende amesema Serikali imetoa Mitambo 08 ambayo itawezesha kufanya kazi kwa weledi mkubwa hata kama majanga yatatokea  katika maeneo 02 kwa wakati mmoja, vifaa vya Zimamoto na uokoaji vipo vya kutosha.

#DodomaFahariya Watanzania

#KeroyakoWajibuWangu

#Nimejiandikisha,NitapigaKura

#UmejiandikishaKapigeKura

#KuraYakoHakiYako,JitokezeKupigaKura