DODOMA YAENDELEA NA MAANDALIZI KUELEKEA SIKU YA KUPINGA DAWA YA KULEVYA DUNIANI

Imetumwa : June 12th, 2025

Na. Hellen M. Minja

       Habari – DODOMA RS

Katibu Tawala Mkoa wa Dodoma Bw. Kaspar K. Mmuya ameongoza kikao cha tatu cha maandalizi ya Kilele cha Maadhimisho ya kupinga dawa za kulevya Duniani leo Juni 12, 2025 kikao ambacho kimehusisha Kamati ya Usalama ya Mkoa pamoja na Wajumbe wa Sekretariet ya Mkoa.

Kikao hicho kimefanyika katika ukumbi wa mikutano wa Ofisi ya Mkuu wa Mkoa Jengo la Mkapa leo Juni 12, 2025.

Kilele cha siku ya kupinga dawa za kulevya Duniani, kinatarajiwa kufanyika Juni 26, 2025 Katika Kituo cha Mikutano Jakaya Kikwete cha Jijini Dodoma na kuhudhuriwa na makundi mbalimbali ya kijamii yanayopatikana Mkoani hapa sambamba na wananchi wa Mkoa wa Dodoma na mikoa jirani.

Mgeni rasmi katika Maadhimisho hayo anatarajiwa kuwa Rais wa Jamhuri ya Muungano wa Tanzania Mhe. Dkt. Samia Suluhu Hassan.

#dodomafahariyawatanzania

#wekezadodomastawishadodoma

#keroyakowajibuwangu

#mtiwangubirthdayyangu