KUELEKEA MIAKA 48 YA CCM ; WAGENI KARIBUNI DODOMA

Imetumwa : February 3rd, 2025

Na. Sizah Kangalawe

 Habari - Dodoma RS 

Mkuu wa Mkoa wa Dodoma Mhe. Rosemary Senyamule, amewakaribisha wananchi wote wanaotarajia kufika Mkoani hapa kwa lengo la kushiriki maadhimisho miaka 48  ya Chama Cha Mapinduzi  tangu kuanzishwa kwake mnamo February 05,1977.

Mhe. Senyamule ametoa mwaliko huo wakati akizungumza na Waandishi wa Habari ikiwa ni maandalizi ya kuelekea maadhimisho ya siku hiyo yanayotarajiwa kufanyika Februari 5,2025 katika uwanja wa Jamhuri Jijini Dodoma.

"Ninayo heshima kubwa kuwakaribisha wageni wote wanaotarajia kuja Dodoma kwaajili ya Mkutano huo. Niwahakikishie tu kwamba Dodoma tumejipanga, hali ni shwari, ulinzi na Usalama vimeimarika kwani vyombo vyote vinavyohusika na Usalama vinafanya kazi usiku na mchana kuhakikisha wananchi wote wa Dodoma pamoja na wageni wanakuwa salama na wanaendelea na shughuli zao za kila siku bila hofu yoyote.

"Mgeni Rasmi kwenye Maadhimisho hayo  anatarajiwa kuwa Mhe. Dkt. Samia Suluhu Hassan, Rais wa Jamuhuri ya Muungano wa Tanzania na Mwenyekiti wa Chama Cha Mapinduzi Taifa. Nitoe shime kwa Wanadodoma wote, tujitokeze kwa wingi kusikiliza mambo makubwa ambayo Chama Tawala ( CCM) kimefanya.Hili ni tukio kubwa litakalofanyika ndani ya Mkoa wetu, kwani linatupa fahari kubwa kama  Mkoa na  Makao Makuu ya Nchi" Mhe. Senyamule

Aidha Mhe. Senyamule ametoa fursa kwa wajasiriamali wanaofanya  biashara ya uji Jijini hapa,kufika ofisini ili wajisajili na kupatiwa utaratibu mzuri wa  jinsi ya kutoa huduma hiyo  Uwanjani hapo,ambapo mwisho  wa usajili  ni Jumanne ya Februari 4,2025  saa 4: 30 asubuhi.

Hatahivyo RC Senyamule amewahakikishia wananchi wote watakaoshiriki maadhimisho hayo kuwa watapata kifungua kinywa hivyo wawahi mapema uwanjani.

#dodomafahariyawatanzania

#mtiwangubirthdayyangu