RC DODOMA AIPONGEZA MAHAKAMA KWA KUENDELEA KUIMARISHA UTOAJI HAKI

Imetumwa : June 10th, 2025

Na:Sofia Remmi.

Habari:Dodoma Rs.

Mkuu wa Mkoa wa Dodoma Mhe.Rosemary Senyamule ameupongeza Muhimili wa Mahakama kwa kuendelea kuimalisha suala la utoaji haki

Mkuu wa mkoa ametoa pongezi hizo wakati wa hafla fupi ya kuwaapisha wajumbe wa Kamati za Maadili za Maafisa wa  Mahakama Mkoa wa Dodoma.

Hafla hiyo imefanyika leo tarehe 09 Juni 2025 katika Jengo la Kituo Jumuishi cha Mahakama Jijini Dodoma.

Akizungumza mara baada ya uapisho huo Mhe. Senyamule amesema  kamati hizo za Maadili za Mkoa ni kamati ambazo zinakwenda kusimamia maadili ya Maafisa wa Mahakama.

“Jambo hili limeleta tija kubwa sana kwa wananchi, na Mahakama ni chombo cha kuaminiwa na kuheshimiwa kwa Watanzania”

“ Nchi yetu imeendelea kuimarisha muhimili huu kwa kuwawekea uwekezaji mkubwa kama kujengewa Jengo kubwa na la kisasa kabisa, na hiyo yote ni dhamira ya kutaka kuhakikisha haki ya wananchi inapatikana,Kamati hızı muhimu kwa ajili ya kutoa uamuzi na uwezo mahala pa kazi”Amesema Mhe. Senyamule.

Kwa upande wake Dkt.Juliana Masabu Jaji Mfawidhi Mahakama Kuu ya Kanda ya Dodoma amesema jukumu hilo la kuapisha ni jukumu muhimu kwani bila kiapo Kamati hızo haziwezi kufanya kazi.

“Nafasi hii si ndogo ni nafasi kubwa, jukumu la mahakama ni jukumu la kikatiba la utoaji haki, lakini kwa imani zetu ni jukumu la Kimungu zaidi ambalo tumekasimiwa tu”Amesema Masabu.

#dodomafahariyawatanzania

#wekezadodomastawishadodoma

#keroyakowajibuwangu