RC SENYAMULE AMPONGEZA MHE. RAIS KUTATUA MASUALA YA KODI

Imetumwa : January 20th, 2025

Na. Hellen M. Minja,

       Habari – DODOMA RS

Mkuu wa Mkoa wa Dodoma Mhe. Rosemary Senyamule amempongeza Mhe. Rais Dkt. Samia Suluhu Hassan kwa utatuzi wa changamoto za wafanyabiashara  zinazohusiana na masuala ya Kikodi kwa kuunda Tume ya Maboresho ya Kodi ninayozunguka mikoa mbalimbali kukusanya maoni ya maboresho ya kodi.

Hayo yamebainishwa leo Januari 20, 2025 na Kiongozi huyo wa Serikali ya Mkoa huu alipokua akizungumza na Tume hiyo iliyomtembelea ofisini kwake kwa lengo la kujitambulisha na kumjulisha kuwa itafanya kikao na wafanyabiashara na wadau wa kodi Mkoa wa Dodoma kukusanya maoni yao.

“Nampongeza sana Mhe. Rais kwa kuona sasa ipo sababu ya kutafuta namna ya kutatua matatizo ya wafanyabiashara yanayohusiana na suala la kodi. Sisi Mkoa wa Dodoma  kama ilivyo mikoa mingine tunaopokea changamoto za wafanyabiashara na kila ukiwaita hazikosekani kero za kodi”

“Mkoa wa Dodoma pia kwa ajili ya wafanyabiashara, tuna Timu inayoitwa ‘Kamati ya Uwekezaji’ inayoongozwa na Afisa Biashara na Uwekezaji ambayo inajitahidi kutatua changamoto kwa kukutana na wafanyabiashara, na mwaka jana tulipata tuzo kutokana na kazi ya kamati hii” Mhe. Senyamule.