RC SENYAMULE ATOA WITO KWA WADAU WA USHIRIKA KUSHIRIKI UCHAGUZI MKUU

Imetumwa : September 19th, 2025

Na:Sofia Remmi.

Habari:DodomaRs

Mkuu wa Mkoa wa Dodoma Mhe. Rosemary Senyamule ametoa wito kwa wananchi wote waliojiandikisha katika daftari la wapiga kura kujitokeza kwa wingi siku ya kupiga kura ili kutimiza haki yao ya kikatiba.

Akizungumza wakati akifungua kikao kazi chake  na Wadau wa Ushirika Mhe. Senyamule alisema  uzoefu unaonyesha kuwa  wananchi wengi wanajiandikisha lakini hawajitokezi kupiga kura.

Amesema kwa mwaka 2020 Mkoa wa Dodoma ulikuwa na takwimu mbaya ambapo katika zoezi la uandikishaji ulifanya vizuri kwani  asilimia 94 walijiandikisha na kupewa vitambulisho vya kupigia kura,lakini ni asilimia 45 tu ndio waliojitokeza kupiga kura.

“Hadi hivi sasa Tume Huru ya Uchaguzi (INEC) imeshafanya kazi yake vizuri sasa kazi kubwa imebaki kwetu kuhakikisha tunahamasisha makundi yote yaliyojiandikisha kujitokeza kwa wingi kupiga kura ili kutimiza haki yao ya kikatiba. Kazi iliyopo na tunayoendelea nayo ni kufanya asilimia 100 ya waliojiandikisha kujitokeza  kupiga kura''amesema Mhe. Senyamule.

Katika hatua nyingine Mhe. Senyamule alisema Rais Dk.Samia amefanya kazi kubwa kuhakikisha Ushirika unaendelea kustawi na kunufaisha wakulima wengi,ambapo alitoa fedha kwa ajili kuhakikisha benki ya ushirika inaanzishwa” Aliongeza Mhe.  Senyamule.

Kwa upande wake Mkulima kutoka wilaya ya Bahi Maxmiliani alisema Serikali ya Awamu ya Sita, chini ya uongozi wa Rais Dk.Samia imetoa sh.bilioni 10 kwa ajili ya ujenzi wa skimu ya umwagiliaji.

Akizungumza kuhusu uchaguzi Mkuu 2025, alisema wapo tayari kushiriki kwani ni haki ya  kikatiba,vilevile  kwa ajili ya maendeleo ya sekta ya kilimo na Taifa kwa ujumla.

#dodomafahariyawatanzania

#keroyakowajibuwangu

#nimejiandikisha,nitapigakura