DODOMA YAWEKA MIKAKATI KUKABILIANA NA MAGONJWA YA MLIPUKO

Imetumwa : November 4th, 2024

Na Sofia Remmi.

Habari-DodomaRs

Mkuu wa Mkoa wa Dodoma Mhe.Rosemary Senyamule ameongoza kikao kazi cha kujadili na kuweka mikakati ya kukabiliana na Magonjwa ya Mlipuko.

Kikao hicho chenye Lengo la kupokea taarifa mbalimbali za wadau kutoka maeneo tofauti katika Mkoa na kuandaa mikakati shirikishi na harakishi kuzuia kusambaa kwa Magonjwa ya Mlipuko,kimefanyika tarehe 04 Novemba 2024,katika Ukumbi wa Ofisi ya Mkuu wa Mkoa, Jengo la Mkapa.

Akizungumza katika kikao hicho RC Senyamule amesema chanzo cha magonjwa ya mlipuko kama Kipindupindu,ni kutokuzingatia kanuni za Afya, hususani uchafu pamoja a ukosefu wa Maji safi.

“Mamlaka za Maji zichukue hatua juu ya upatikanaji wa maji ya uhakika kwa baadhi ya maeneo, na kila Mhusika awajibike kwa eneo lake ili mlipuko usitokee”

“Wananchi wapewe elimu kuhusu kanuni za afya ili waweze kuzingatia,wawe salama katika makazi yao ili kupunguza hatari kwa wananchi” amesema Senyamule.

Kwa upande wake Afisa Afya Mkoa wa Dodoma Dkt.Nelson Rumbeli amesema kila halmshauri iweke mikakati juu ya kuzuia na kuondokana na changamoto za afya katika kaya,kwa kuzingatia ubora wa vyoo,utumiaji wa maji safi,na kuondoa taka ngumu katika maeneo ya makazi ya watu ili kuepuka na kuenea kwa magonjwa ya mlipuko.

Aidha kikao hicho kilitoka na Maazimio yafuatayo;kuelekeza wataalamu kupita kila kaya kuhakikisha mazingira ya makazi ya watu yako salama,Kufanya kampeni ya kuhamasisha ujenzi wa vyoo,na mabadiliko ya tabia kwa wananchi.

#dodomafahariyawatanzania

#dodomatupotayarikujiandikisha

#kurayakosautiyako

#ujanjanikupigakura

#keroyakowajibuwangu