HUDUMA ZA VODACOM ZINALENGA KUBORESHA MAISHA ; RC SENYAMULE

Imetumwa : November 20th, 2024

Kauli hiyo imetolewa na Mkuu wa Mkoa wa Dodoma Mhe.Rosemary Senyamule leo tarehe 20 Oktoba 2024 wakati akizindua duka la Vodacom lililopo ndani ya Jengo la Stesheni ya Samia Suluhu Hassan (Stesheni ya treni za Mwendokasi ya Dodoma).

Akizungumza na wafanyakazi pamoja na Wananchi waliokusanyika kushuhudia tukio hilo Mhe. Senyamule amesema, "Serikali imelenga Wananchi wapate huduma bora ili kuendeleza uchumi wao  na Nchi kwa ujumla.Vodacom  inasaidia  kuboresha maisha ya Watanzania kwa kusogeza huduma katika maeneo yenye uhitaji.

Kila msafiri ambaye anasafiri anaweza kupata huduma hapa hapa Kabla na baada ya kusafiri ili kusiwepo na kikwazo chochote wakati wa safari ya mtu mmoja mmoja, kumsaidia kupata huduma kwa wepesi kabisa.Kuletwa kwa huduma hii hapa itasaidia sana wateja wa Vodacom  kupata huduma kwa urahisi".Amesema Mhe.Senyamule.

Kwa upande wake Mwenyekiti wa Bodi ya Wakurugenzi ya Vodacom Bw.Haji Thomas Mihayo amesema kwamba Vodacom inafanya jitihada nyingi kuwafikia wateja wake popote walipo,ndio maana  imeleta huduma katika eneo  hilo.

“Vodacom inalenga kuwafikia wananchi na kuweka huduma za maduka katika  SGR zote ili kuwafikia wananchi na wateja wake kwa ujumla. Tunatoa huduma kupitia njia za Mitandao ya kijamii na imezingatia kutoa huduma mbalimbali kwa wateja wake”.amesema Bw.Mihayo.