JAMII YATAKIWA KULINDA WATOTO DHIDI YA VITU VINAVYOWEZA KUHATARISHA AFYA YA MACHO

Imetumwa : October 9th, 2024

Na,Sofia Remmi

Habari-Dodoma Rs.

Kaimu Mkurugenzi wa Huduma za Tiba Dr.Hemed Nyembea ameyasema hayo leo wakati wa Kilele cha Maadhimisho ya Siku ya Macho Duniani,yaliyofanyika  katika viwanja vya Kituo cha Afya Makole Jijini Dodoma leo tarehe 09 Oktoba 2024.

Akizungumza na baadhi ya wananchi waliojitokeza katika maadhimisho hayo Dr.Nyembea amesema Jamii ihakikishe inalinda watoto kwenye vitu ambavyo vinaweza kuhatarisha afya zao za Macho kwa kujumuisha muda wanaotumia kuangalia Runinga,Simu pamoja na Kompyuta.

“ Kila mtoto anapaswa kula mlo wenye Vitamini A za kutosha ambayo vinatokana na vyakula kama karoti,maboga,Maini na aina nyingine za vyakula ili kupunguza idadi ya watoto wenye matatizo ya macho”

“Takwimu zinaonyesha kuwa takribani watoto Milioni 450 duniani wana matatizo ya macho ( uoni) yanayohitaji tiba, na wengi wao hawawezi kuifikia tiba hiyo kutokana na kushindwa kumudu gharama,kwa mujibu wa taarifa za Shirika la Afya Duniani mtoto 1 kati ya watoto 1,000 wanaulemavu wa kutokuona” amesema Nyembea.

Kwa upande wake kaimu mganga kuu wa Mkoa wa Dodoma Dr.Nelson Bukuru amesema katika Maadhimisho ya kilele cha Siku ya Uoni Duniani ambapo Kitaifa yanafanyika Mkaoni Dodoma,na  kuhusisha uhamasishaji na upimaji wa afya ya macho kwenye vituo vya tiba, kwenye kambi, na mashuleni. Pamoja na kuelimisha jamii kupitia vyombo vya habari mbalimbali amesema hayo kwa niaba ya Katibu Tawala Mkoa wa Dodoma.

Maadhimisho hayo yenye kauli mbiu isemayo”Penda macho yako,Muhamasishe Mtoto apende Macho yake”.

#dodomafahariyawatanzania

#keroyakowajibwangu