KAMPENI YA MTI PESA YAZINDULIWA DODOMA

Imetumwa : April 11th, 2025

Na; Happiness E. Chindiye

    Habari - Dodoma RS

Katibu Tawala Mkoa wa Dodoma Bw. Kaspar K. Mmuya leo Aprili 11,2025 amezindua kampeni ya upandaji miti inayokwenda kwa jina la Mti Pesa .Kupitia kampeni hiyo jumla ya miti  ya matunda 2000 inatarajiwa  kupandwa katika Shule 4 za Msingi zilizopo katika  Mkoa wa Dodoma.Leo ikiwa ni  siku ya uzinduzi, miti 500 ya matunda imepandwa katika  Shule ya Msingi Mtumba Jijini Dodoma.

Sambamba  na uzinduzi wa kampeni ya Mti Pesa ,umefanyika pia uzinduzi wa klabu ya Elimu ya fedha. Kupitia klabu hiyo,wanafunzi watapata elimu ya fedha inayotolewa na taasisi ya Wanawake katika Sekta ya Fedha Tanzania ( TAWIFA).

“Leo  Jiji la Dodoma bado tunazidi kuifaharisha Tanzania yetu kwa kupanda miti kufuatia kazi kubwa ambayo imekuwa  ikifanywa na viongozi ya kurudisha hali ya ukijani katika jiji la Dodoma, ambapo pamoja na faida nyingine, miti hii itasadia kukuza uchumi wa wananchi “ - Bw. Mmuya

Kwa Upande wake Rais wa TAWIFA, Bi. Fikkira Ntomola amesema lengo la kampeni hiyo ni kuwajengea Wanafunzi kutunza Mazingira na kuweka nidhamu ya kufanya kazi kwa bidii katika elimu na kazi.

“ Tunapotunza mazingira yetu kwa kupanda miti hii ya matunda haitupi tu kivuli pia inasaidia kupata mvua za kutosha pamoja na kubadilisha hali za uchumi tunapouza matunda hayo na kutupatia fedha “ - Bi. Ntomola

Naye Mkuu wa Shule ya Msingi Mtumba Mwl.Kepha kitutu amemuhakikishia Katibu Tawala utunzwaji wa miti hiyo kwani itasaidia shule hiyo katika kutunza mazingira, kuwapatia vivuli na wanafunzi kujipatia chakula chenye lishe.

Kampeni hiyo ya Mti pesa iliyozinduliwa leo imeasisiwa  na TAWIFA,na inatarajiwa kufanyika katika mikoa yote ambayo chama hicho kitakuwa kikifanya shughuli zake,huku ikitarajiwa kuleta mabadiliko katika sekta ya mazingira na uchumi .

&&&

#mtiwangubirthdayyangu

#dodomafahariyawatanzania

#keroyanguwajibuwangu