KUPIGA KULA NI HAKI YA KILA MTANZNIA-RC SENYAMULE

Imetumwa : September 25th, 2024

Mkuu wa Mkoa wa Dodoma,Mhe. Rosemary Senyamule ametoa Rai kwa  Wananchi kujitokeza kuboresha taarifa zao/ kujiandikisha ili waweze kutimiza haki yao ya kupiga kura.

 Mhe. Senyamule ameyasema hayo leo tarehe 25 Septemba 2024, wakati wa  chakula cha mchana na watumishi wa  ofisi yake,  ikiwa ni utaratibu aliojiwekea kwa kila Jumatano ya mwisho wa mwezi ambapo pamoja na chakula,pia hutumia muda huo kuzungumza na Watumishi juu ya masuala mbalimbali,husikiliza kero zao pamoja na kuwapongeza ambao wanakumbukizi za siku zao za kuzaliwa.

Akizungumza na Watumishi hao RC Senyamule amesema kila mwananchi anawajibu wa kupiga kula kwaajili ya kumchagua kiongozi bora na ambaye anaona anamfaa katika kumletea maendeleo.

“Kupiga kura ni jukumu la kila mwananchi, hivyo kila mmoja ajitokeze katika kujiandisha kwenye daftari la kudumu la mpiga kula na kuhakiki taarifa zake.

Uzalendo unaanza na mtu kuchukua hatua, hivyo kila mmoja atumie muda huu kwaajili ya kujiandikisha katika daftari hilo kwa hizo siku zilizowekwa katika Mkoa” amesema Mhe. Senyamule.

Kwa upande wake katibu tawala wa mkoa wa Dodoma Bw.Kaspar K.Mmuya amesema kila mtu ajitokeze kujiandikisha/kuboresha taarifa zake,na si yeye tu,Bali na familia  familia yake.