MIRADI YA BARABARA YAIFANYA KUWA YA KIMKAKATI

Imetumwa : March 18th, 2024

Mkuu wa Mkoa wa Dodoma Mhe Rosemary Senyamule amesema kuwa Dodoma ni Mji wa kimkakati kutokana na miradi mingi ya usafiri na usafirishaji kuwekezwa na Serikali kuu.

Hayo yamebainishwa leo wakati wa kikao cha Bodi ya Barabara 2023/24 kilichofanyika kwenye ukumbi wa ofisi ya Mkuu wa Mkoa jengo la Mkapa Jijini Dodoma kilichobeba dhima ya kupitia taarifa ya utekelezaji wa miradi ya Barabara za Mkoa kwa bajeti ya 2023/24 pamoja na kupitia mapendekezo ya Mpango wa bajeti ya 2024/25.

“Uunganishaji wa baadhi ya Barabara zinazoingia kwenye Mradi wa SGR pamoja na Barabara za mzunguko, zinaifanya Dodoma kuwa ya kimkakakti zaidi. Rais Mhe. Dkt. Samia Suluhu Hassan ametoa fedha kiasi cha Shilingi Bilioni 230.292 kwa ajili ya ujenzi wa miundombinu ya Barabara kupitia TANROADS na TARURA.

“Mtandao wa barabara kwa Mkoa ni jumla ya Km 9248.12 kwa barabara zilizo chini ya TANROADS na TARURA zinazoweza kutengenezwa kwa kiwango cha Lami na kusababisha barabara nyingi kupitika na kuimarika. Kutokana na uwekezaji huo, hakikisheni tutakapofika mwisho wa mwaka huu barabara zote ziwe zinapitika.” Amesema Mhe. Senyamule.

Mpaka Sasa, Barabara za Lami asilimia 85.6 zipo kwenye Hali nzuri na asilimia 72.85 za Changarawe zipo kwenye Hali nzuri pia.

Kikao hicho kimeridhia maazimio kadhaa ikiwa ni pamoja na TRC waelekezwe kuweka alama na tahadhari kwa watumiaji wa barabara.TANROADS kuweka mkakati wa kuwezesha barabara zilizo ingia SGR kukamilika ifikapo mwezi Julai 2024.