Mkoa wa Dodoma Kuwatambua na Kutatua Changamoto za Wanafunzi Watakaojiunga Kidato cha Tano 2022

Imetumwa : May 26th, 2022

Mkoa wa Dodoma Kuwatambua na kutatua changamoto za Wanafunzi Walichanguliwa Kidato  Cha Tano 2022.

Akizungumza na Vyombo vya Habari, Mhe.Mtaka amewaeleza waandishi kuwa Ofisi ya RC Dodoma kwa kushirikiana na Wadau mbalimbali itahakikisha inampatia  Mwanafunzi Mariam mahitaji yake yote yatakayomwezesha kumaliza kidato cha sita. 

Aidha Mhe. Mtaka amewataka Wanafunzi wote wanaokabiliwa na changamoto mbalimbali za kiuchumi hususani wale ambao wamemaliza kidato cha 4 katika shule za kata na kuchaguliwa kujiunga kidato cha tano kuwasiliana na Ofisi za Wakuu wa Wilaya katika maeneo waliyopo na kisha Afisa Elimu wa maeneo hayo ili kuelezea changamoto zao na kuona namna bora ya kuzitatua.

Mhe. Mtaka ametoa angalizo kwa wazazi kutokutumia wito huo vibaya na kukwepa majukumu yao kwa kujifanya wajane na wagane na hata yatima wa muda.

Mhe.Mtaka amemtaka mwanafunzi Mariam kuwa  na moyo wa masomo na kuhakikisha ufaulu wake unaongezeka na kufikia divisheni ya kwanza ya point tatu. 

Mwanafunzi Mariam Leonard Mchilo ni mtoto wa tano katika familia ya watoto 6 wa Bwana na Bibi Mchilo. Elimu yake ya Msingi aliipata katika shule ya  msingi Ndachina na  elimu ya Sekondari katika shule ya Sekondari Songambele Kilimani, Wilayani Kongwa. 

Katika mtihani wa kidato cha Nne ambao alifanya mwaka jana 2021,Mariam alipata daraja la kwanza lenye pointi 16 na kuwa Msichana pekee kati ya wanafunzi wanne waliopata daraja la kwanza. 

Kulingana na mazingira magumu katika familia yake Mariam aliazimia kusoma kwa bidii ili aweze kusaidia familia yake, hali iliyompelekea mara baada ya kumaliza mitihani yake ya kidato cha nne kutafuta kibarua cha mama lishe na hatimae kazi za ndani.Baada ya habari zake kusambaa kwenye mitandao ya kijamii Wafadhili mbalimbaki waliojitokeza kumsaidia Mariam. Wafadhili hao pamoja na aliyekuwa Spika wa Bunge Mhe.Job Ndugai (MB)!mbaye anamhifadhi Mwanafunzi huyo hadi atakapoenda kidato cha 5, Mwanza University ambao watamlipia ada ya shule kidato cha 5-6 na fedha za kujikimu pamoja na ufadhili wa masomo ya  Chuo kikuu Mwanza, Equity bank ambao wamemfungulia akaunti isiyo na gharama yeyote na kumuwekea kiasi cha Tsh.300,000/-. Mwisho.