RC SENYAMULE ATUNUKIWA TUZO YA DR. SAMIA MWANAMKE KINARA KANDA YA KATI

Imetumwa : May 14th, 2025

Na; Happiness E. Chindiye

Habari - Dodoma RS

Mkuu wa Mkoa wa Dodoma Mhe. Rosemary S. Senyamule leo Mei14,2025 amekabidhiwa tuzo ya Mwanamke kinara Kanda ya Kati kutoka ‘Central Women Connect, Mwanamke Kinara Awards’ ambao ni waandaaji wa tuzo hizo,ambapo makabidhiano yamefanyika nje ya ofisi yake (Jengo la Mkapa).

Tuzo hizo  za Dr. Samia Mwanamke Kinara, ni tuzo zilizoandaliwa kwa ajili ya kutambua nguvu ya mwanamke kwenye jamii. Zilitolewa tarehe 10/5/2025 katika ukumbi wa Lavenda Hotel Jijini Dodoma.

“ Hii tuzo ni ya wanawake wote wa Mkoa wa Dodoma ,twendeni tukaonyeshe kuwa Wanawake tunaweza, na kuwa mstari wa mbele kwa kuboresha taarifa kwenye Daftari la kudumu la mpiga kura ili tupate nafasi ya kupiga kura” - Amesema Mhe.Senyamule

Akizungumza kabla ya kukabidhi tuzo hiyo kwa Mkuu wa Mkoa,Mratibu wa ‘Central Women Connect Mwanamke Kinara Awards’ Bi. Rashida  Mfaume amesema sababu za kumtunuku tuzo hiyo ya viwango vya juu na ambayo haishindaniwi, ni kutokana na heshima aliyonayo kama Mwanamke Kiongozi kwa kusimamia vyema miradi ya kimkakati.

“Kazi umeiendeleza katika sekta mbalimbali za maendeleo ndani ya Mkoa huu, zikiwepo usimamizi wa miradi, kuna ambayo imeshakamilika na mingine bado inaendelea, hivyo tunajivunia wewe, na unastahili kuwa mshindi wa tuzo hii”. - Bi. Mfaume

&&&

#dodomafahariyawatanzania

#wekezadodomastawishadodoma

#keroyakowajibuwangu

#mtiwangubirthdayyangu