SENYAMULE AHUDHURIA MASHINDANO YA QURAN, AWAPONGEZA KWA KUANDAA KIZAZI CHA HAKI NA USAWA

Imetumwa : April 1st, 2023

SENYAMULE AHUDHURIA MASHINDANO YA QURAN TUKUFU, AWAPONGEZA KWA KUANDAA KIZAZI CHA HAKI NA USAWA

Mkuu wa Mkoa wa Dodoma Mhe. Rosemary Senyamule amehudhuria maadhimisho na shindano la kusoma na kuhifadhi vitabu vitakatifu vya mwenyezi Mungu (Quran) na kuwapongeza waandaji wa maadhimisho hayo.Senyamule amesema Maadhimisho hayo yanatengeneza vijana ambao ni waaminifu na nguzo muhimu kwa Taifa la kesho kwani litakuwa na viongozi wenye hofu ya Mungu ambao watawatumikia wananchi kwa haki na Usawa.

"Niwapongeze kwa kuandaa Jambo hili, mnaweza mkaona Jambo la kawaida lakini Jambo hili sio la kawaida kwasababu watoto wenye Imani wanaojengwa kwenye imani Wanamuheshimu mwenyezi Mungu lakini pia ni wale ambao watasimama kwenye Maadili watakuwa watu ambao wanaaminika kwenye jamii, niwapongeze mnatengeneza vijana waaminifu."Mheshimiwa Rais amekuwa baraka kwa nchi yetu ya Tanzania na Mimi kila siku najiuliza Mheshimiwa Rais amepata wapi moyo huu Leo nikajifunza kuwa amepata kulingana na mizizi ya Imani yake ametufanya tushikamane na tupendane Watanzania wote na maendeleo yanaonekana nampongeza Sana" Amesema Senyamule.

Hata hivyo Waziri wa Uwekezaji, Viwanda na Biashara Dkt. Ashatu Kijaji ambae ndiye muaandaaji wa maadhimisho hayo amesema lengo la kuanzishwa kwa maadhimisho hayo ni kuwafanya watu kukumbuka maneno ya vitabu vitakatifu vya mwenyezi Mungu na kulinda Maadili yetu. "Mashindano haya yanafanyika kwa Kanda katika kata zote 19 za Jimbo la Kondoa na dhamira kuu ni kuwafanya watu waendelee kukumbuka maneno matakatifu ya mwenyezi Mungu kupitia mashindano na motisha zinazotolewa ili kuendelea kuwa na vizazi vyenye hofu ya Mungu",Amesema Dkt. Kijaji.

Nae Sheikh Mustafa wa mkoa wa Dodoma Amesema watu wanatakiwa kujua kuwa dhamira kuu ya maadhimisho hayo ni kutafuta thawabu kwa mwenyezi Mungu na sio kutafuta kura na ndio maana yanafanyika katika mwezi mtukufu wa Ramadhani.Aidha katika maadhimisho hayo Dkt. Ashatu Kijaji kwa kushirikiana na Temdo Watengenezaji wa vifaa tiba Arusha wamekabidhi vitanda 10 vya wagonjwa na vya akina mama wakati wa kujijungua kwa Zahanati na vituo vya Afya vya wilaya ya Kondoa.