SENYAMULE AMEFUNGUA MAADHIMISHO YA KITAIFA YA SIKU YA UDHIBITI WA BIDHAA BANDIA DUNIANI

Imetumwa : June 13th, 2023

Mkuu wa Mkoa wa Dodoma Mhe. Rosemary Senyamule leo tarehe 13 Juni 2023 ameshiriki kufunga  Maadhimisho ya Kitaifa ya Siku ya Udhibiti wa bidhaa bandia Dunia yaliyofanyika  katika ukumbi wa mikutano  Mabeyo Complex Jijini Dodoma.

Akizungumza na wadau  walioshiriki katika maadhimisho hayo Senyamule amesema Serikali inatambua jitihada zinazofanywa na Fair Competition Conservation (FCC) katika masuala ya udhitibiti wa bidhaa bandia ambayo inapoteza mapato Serikalini na kudunisha ari ya wawekezaji kutimiza dhamira zao  kwa tija zaidi.

Amesema ni dhahiri Makao Makuu ya FCC yapo hapa Dodoma, hivyo maadhimisho ya leo yameleta viongozi, wafanyabiasha na wadau mbalimbali nje ya Dodoma

“Ninashukuru kwa uamuzi wenu wa kuadhimisha Maadhimisho katika Mkoa wetu kwakuwa hatua hiyo inaleta fursa za kibiashara kwa wenye vitega uchumi mbalimbali na maeneo mengine ikiwa ni pamoja na kujengea uwezo wa wananchi wetu kupitia Elimu mlizokuwa mkizitoa kuhusu masula ya bidhaa bandia kupitia vyombo vya Habari na semina kwa wanavyuo wa vyuo vikuu hapa Dodoma.

“Jitihada zinazofanywa na Serikali ya Jamhuri ya Muungano wa Tanzania katika kuwaletea maendeleo wananchi wake inakwenda sambabamba na wananchi kupata fedha au mikopo ya uwekezaji kiuchumi kupitia Halmashauri zetu ambapo vikundi mbalimbali vya uzalishaji vyenye sifa na vigezo vinavyosajiriwa kupitia Idara za maendeleo ya Jamii vimekuwa vikinufaika kupitia uwekezaji huo” Amesema Senyamule.

Serikali ya awamu ya sita inayoongozwa  na Mhe. Dkt. Samia Suluhu Hassan, Rais Jamhuri ya muungano wa Tanzania,imeboresha mazingiara ya uwekezaji nchini, hivyo hatua ya kuongeza ufanisi katika udhibiti wa bidhaa bandia kwa kukuza ubia wa kushughulika na janga la bidhaa bandia.

Maadhimisho hayo yameongozwa na Kaulimbiu isemayo “Kukuza ubia ya Sekta ya Umma na Sekta binafsi katika kudhibiti bidhaa bandia”