“TWENDENI WOTE TUKAJIANDIKISHE KWENYE DAFTARI LA MKAAZI “ - MHE. NSEMWA

Imetumwa : October 9th, 2024

 Na; Happiness E. Chindiye

      Habari - H/ Bahi

Mkuu wa Wilaya ya Bahi Mhe. Rebeca S. Nsemwa ametoa wito kwa wananchi wa Wilaya hiyo, Dodoma na nchi kwa ujumla kujitokeza kwenye zoezi la uandikishaji kwenye orodha ya daftari la Mkazi zoezi litakaloanza tarehe 11 hadi 20 Oktoba, 2024.

Wito huo umetolewa leo tarehe 09.10.2024 wakati wa uzinduzi wa Bonanza la Uchaguzi wa Serikali za Mitaa ikiwa ni sehemu ya hamasa ya uandikishaji kwenye daftari la mkaazi lililofanyika kwenye viwanja vya Shule ya Msingi Bahi Misheni.

“Nitoe wito kwenu, twende wote tukajiandikishe kwenye daftari la mkazi ambalo litatumika kwenye uchaguzi wa viongozi wetu wa serikali za mitaa utaokafanyika tarehe 27 Novemba, hivyo tujitokeze mapema tusisubiri siku za Mwisho” - Mhe. Nsemwa

Naye, Kaimu Mkurugenzi wa Halmashauri ya Bahi Bw. Boniface Willison amewahamasisha watumishi wote wa serikali kuwa mstari wa mbele kujitokeza kujiandisha na kuhamasisha wengine na kutoa elimu kwa wananchi ili kupata nafasi ya kuchagua viongozi wa serikali za mtaa.

Bonanza hilo limehusisha michezo mbalimbali ikiwemo timu za mpira wa miguu, kukimbia na yai mdomoni, kukimbia na gunia, kuvuta kamba, Ngoma za asili, muziki wa kizazi kipya na nyimbo.

&&&

#dodomatwendenitukajiandikishe