UZINDUZI WA MPANGO MKAKATI WA KUPAMBANA NA UKIMWI WA MKOA WA DODOMA, JANUARI 25, 2018

Imetumwa : January 25th, 2018

YALIYOJIRI WAKATI WA UZINDUZI WA MPANGO MKAKATI WA KUPAMBANA NA UKIMWI WA MKOA WA DODOMA MAKAO MAKUU YA NCHI, JANUARI 25, 2018

MGENI RASMI RC DODOMA DKT. BINILITH MAHENGE

#Dkt. Mahenge: Mpango Mkakati huu mpya wa kupambana na UKIMWI wa Mkoa wa Dodoma umezingatia uhamiaji wa Watu hapa Mkoani Dodoma wakizifuata fursa zinazotokana na Serikali kuhamia hapa Dodoma Makao Makuu ya Nchi.

#Dkt. Mahenge: Mamlaka zote zinazohusika na wadau mbalimbali zingatieni vipaumbele vilivyoainishwa kwenye Mpango Mkakati ili kufikia lengo la Kidunia na Kitaifa la kuhakikisha angalu 90% ya watu wenye VVU wanajua hali zao, 90% ya watu waliojua hali zao waanze kutumia Dawa na kati yao 90% wawe wamefubaza Virusi hivyo kupunguza uwezo wa kuambukiza (90-90-90) ifikapo 2020.

#Dkt. Mahenge: Pia mamlaka zizingatie vipaumbele kuhakikisha 2030 maambukizi mapya yanakuwa sifuri,  Unyanyapaa sifuri na vifo vitokanavyo na ukimwi sifuri (0-0-0)

#Dkt. Mahenge: Kila Wizara na Idara zinata zihakikishe zinaandaa Sera ya UKIMWI mahala pa kazi na kuwapa stahiki zao watumishi wanaoishi na VVU

#Dkt. Mahenge:. Wadau wa Mkoa wa Dodoma jukumu lenu ni kutafsiri mpango mkakati huu kwenye Mazingira  yenu ili kuweza kutumia katika kupanga mipango yenu.

#RAS Dodoma Ndg. Rehema Madenge: Mchakato wa kuandaa Mpango Mkakati mpya wa Kupambana na UKIMWI wa Mkoa wa Dodoma ulichagizwa na uamuzi wa Serikali kuhamia Dodoma.

#RAS Dodoma Ndg. Rehema Madenge: Mkakati huu wa miaka mitatu 2017/2018 - 2020/2021 ni shirikishi kwa maana umehusisha wadau mbalimbali kwenye ngazi zote muhimu na utekelezaji wake pia utakuwa shirikishi.

#Ndg. Richard Ngirwa (Mwakilishi wa Mkurugenzi Mkuu wa TACAIDS): Matokeo ya Utafiti wa Matokeo ya Viashiria vya VVU na UKIMWI uliofanywa na Serikali kwa kushirikiana na wadau wa Maendeleo (2016/17) yamethibitika kuwa kiwango cha Maambukizi ya UKIMWI nchini ni asilimia 4.8 kwa wanawake na wanaume wa umri wa miaka 15 -49.

#Ndg. Richard Ngirwa: Wito kwenye jamii kila mtu ana wajibu na mchango mkubwa katika mapambano dhidi ya UKIMWI tusiischie Serikali peke yake.  

Imetolewa na:

OFISI YA MKUU WA MKOA

DODOMA