WAFANYAKAZI WA VITUO VYA AFYA MKOANI DODOMA WAPEWA MAFUNZO YA UCHAKATAJI WA TAARIFA

Imetumwa : November 6th, 2024

Na;Happiness E. Chindiye

    Habari - Dodoma Rs

Katibu Tawala Mkoa wa Dodoma Bw. Kaspar K. Mmuya leo Novemba 06, 2024 amefungua mafunzo ya uchakataji wa taarifa kwa wafanyakazi wa vituo vya afya Mkoani Dodoma.

Mafunzo hayo yamefanyika kwenye ukumbi wa New Dodoma Hotel,na yameandaliwa na shirika lisilo la kiserikali linalojishughulisha  na kuboresha mifumo ya afya ,ambapo yanalenga kuboresha ujuzi wa wafanyakazi  katika ukusanyaji ,uchakataji na matumizi sahihi ya taarifa za afya ili kuimarisha huduma za afya katika maeneo yao.

Akizungumza wakati wa mafunzo hayo, mkurugenzi wa Miradi wa  HISP Tanzania,Dr.Wilfred Senyoni,amesisitiza umuhimu wa matumizi bora ya taarifa za afya katika kusaidia mipango na maamuzi bora katika sekta ya afya.

 “Mafunzo haya ni hatua muhimu katika kuhakikisha kuwa wafanyakazi wetu wanakuwa na uwezo wa kutumia teknolojia mpya na mbinu za kisasa katika uchakataji wa taarifa za afya," alisema Dr Senyoni.

Wafanyakazi wa vituo vya afya wameshiriki kwa wingi katika mafunzo haya, na kutoa maoni kuhusu changamoto wanazokutana nazo katika uchakataji wa taarifa.

Aidha ,Wafanyakazi hao wamejifunza mbinu mbalimbali za uchakataji wa taarifa pamoja na matumizi ya mifumo ya kidijitali ambayo itawawezesha kuboresha utoaji huduma kwa wateja.

HISP Tanzania imejizatiti kusaidia Watumishi wa Afya kwa kuwapatia elimu na ujuzi unaohitajika ili waweze kufanya kazi zao kwa ufanisi zaidi.

Juhudi zote hizo zinafanyika ili  kuhakikisha kuwa vituo vya afya vya mkoa wa  Dodoma, vinakuwa na taarifa sahihi,zinazoweza kutumika katika kutoa huduma bora za afya kwa jamii.

&&&

#kurayakosautiyako

#ujanjanikupigakura

#dodomatukotayarikupigakura

#mtiwangubirthdayyangu