WANAWAKE NA SAMIA DODOMA MAMBO BAM BAM

Imetumwa : March 23rd, 2024

Kongamano la wanawake na Samia limefanyika Leo Machi 23/2024  katika ukumbi wa mikutano wa Jiji Mtumba Jijini Dodoma.

Kongamano hilo limewajumuisha wanawake wanaomsapoti Rais Samia kutoka katika Mikoa mbalimbali nchini ikiwemo Iringa, Morogoro, Geita, Mbeya, Dar es Salaam, Singida na Dodoma ambapo Taasisi mbalimbali za Serikali na watu Binafsi wameshiriki mkutano huo.

Akizungumza katika kongamano hilo Mkuu wa Mkoa wa Dodoma Mhe . Rosemary Senyamule amesema lengo la kuanzishwa kwa kundi la wanawake na Samia ni kumsaidia Rais Samia  katika kutatua mambo mbalimbali katika ngazi za chini.

"Tulikubaliana kuanza kumsemea Rais Kwa sababu ndiye Rais wa kwanza Tanzania, na tulichagua kumsaidia kwa kuunda kamati mbalimbali ambazo zinasaidia kwa kikubwa kutatua changamoto katika ngazi za chini ambako yeye hawezi kufika kutokana na wingi wa majukumu aliyonayo", Mhe. Senyamule 

Kwa upande wake Mkurugenzi mtendaji wa Shirika la madini la Taifa ( STAMICO), amewasihi wanawake hao kuendeleza mshikamano na kujijenga kiuchumi na kuachana na malumbano baina yao kwani dhamira ya uwepo wa kundi hilo ni kumsaidia Rais katika kutekeleza majukumu yake.