WAZAZI NA WALEZI WAASWA KUWA SEHEMU YA KUWALINDA WATOTO NA SIYO KUWA SEHEMU YA UKATILI

Imetumwa : September 28th, 2024

Na: Happiness E. Chindiye

       Habari - DODOMA RS

Mkuu wa Mkoa wa Dodoma Mhe. Rosemary S. Senyamule amewaasa Wazazi na Walezi kuwa sehemu ya kuwalinda Watoto, na sio kuwa  sehemu ya ukatili kwani Serikali haitafumbia macho,hivyo kila mmoja ahakikishe anaishi kwenye kauli mbiu ya Mkoa wa Dodoma inayosema “Nyumbani kwangu hakuna ukatili “.

Mhe. Senyamule amesema hayo wakati wa kilele cha maadhimisho ya kongamano la vijana wa Scouts wa Mkoa huu (ROVAUTI ) leo tarehe 28.09.2024,lililofanyika  kwenye ukumbi wa mikutano wa chuo cha Mipango ya Maendeleo Vijijini Jijini Dodoma.

Hata hivyo ametoa maelekezo kwa Maafisa Ustawi wa Jamii ngazi zote   kuungana na 'Scout' kutokomeza ukatilii unaofanyika.

Naye Afisa Elimu Mkoa wa Dodoma Mwl. Vicent Kayombo ametaja nguzo tatu za 'Scout' ambazo ni Wajibu kwa Mungu,Wajibu kwa Wengine na Binafsi ambapo  utekelezaji wa nguzo hizo, umeimarisha nidhamu Mashuleni, na Wanafunzi wamekuwa wakakamavu.

Akisoma risala kwa Mgeni Rasmi kamishna wa Scout mkoa wa Dodoma Bi. Salama Katunda amesema chama hicho kina lengo la kumuendeleza kijana kimwili,kiakili,kijamii na kimtazamo ili awe raia mwema mwenye kujitegemea na mwenye msaada kwa jamii yake.

Wakati huohuo, Mkuu wa Mkoa ametoa wito kwa Vijana kujiandikisha kwenye daftari la kudumu la mpiga kura ili waweze kushiriki  Uchaguzi Mkuu ujao, wawachague  Viongozi ambao ndio msingi katika kukabiliana na ukatili.

Kongamano hilo lililofanyika kwa siku tatu, limeongozwa na kauli mbiu “ Ulinzi na Usalama wa mtoto ni jukumu letu sote “

&&&

#dodomatukotayarikujiandikisha

#Dodomafahariyawatanzania

#keroyakowajibuwangu