JAMII YATAKIWA KUWAJIBIKA KUTUNZA WAZEE WENYE ULEMAVU WA UKOMA

Imetumwa : July 28th, 2024

Mwakilishi wa Mkuu wa Mkoa wa Dodoma na Afisa Ustawi wa Jamii Mkoa Bi. Amina Mafita Julai 28, 2024 aliambatana na Mkurungezi Mtendaji STAMICO CPA .Dr. Venance B. Mwasse kutembelea Makazi ya Samaria katika Kata ya Hombolo Jijini Dodoma ambayo yanatunza Wazee wenye ulemavu wa Ukoma .

Akizungumza kwenye halaiki hiyo, Kaimu Mkuu wa Mkoa huyo ametoa wito kwa vijana na watoto kutimiza wajibu wa kutunza wazee wao na kuto kusubiri hadi wapate msaada kutoka nje .

"Naomba nitoe wito, kila mtu ana wajibu kwa ninyi wazee ambao mmepata athari za ugonjwa wa ulemavu kutokana na ugonjwa wa ukoma kwani ni kweli baadhi yenu hamuwezi kujishughulisha na kupata mahitaji yenu ya msingi .

"Lakini watoto wenu wapo na wajukuu hivyo basi pamoja na kupata misaada kutoka nje, bado tunalo jukumu la msingi kwa mujibu wa sera na miongozo la kuweza kuwahudumia hawa wazee " Amesisitiza Bi. Mafita

Mkurugenzi Mtendaji huyo ametoa msaada kiasi cha shilingi Millioni 5.7 ambapo kiliweza kununua mahindi kiasi cha tani tatu pamoja na dawa ambazo zitawasaidia kusafisha vidonda .

#dodomafahariyawatanzania #keroyakowajibuwangu