SERIKALI INA DHAMIRA YA KILA MWANAMKE KUJIKOMBOA KIUCHUMI

Imetumwa : October 9th, 2025

Na:Sofia Remmi.

Habari:Dodoma RS

 Mkuu wa Mkoa wa Dodoma Mhe. Rosemary Senyamule amekutana na kuzungumza na kundi la viongozi wanawake wa Mkoa wa Dodoma juu ya mambo mbalimbali yanayohusu maendeleo ya Mkoa sambamba na ajenda mbalimbali ambazo zimewasilishwa katika kikao hicho ambacho kimefanyika katika ukumbi wa Ofisi yake, Jengo la Mkapa Jijini Dodoma, Oktoba 09, 2025.

Akizungumza katika Kikao hicho Mhe. Senyamule amesema Serikali ina dhamira ya kila mwanamke kujikomboa kiuchumi kwani ukimkomboa mwanamke umekomboa Taifa.

“Ukimwezesha mwanamke umewezasha Taifa kwa ujumla kwani hata sasa tunaona vyama vingi wanawake wametoka kifua mbele katika kugombea nafasi mbalimbali ambapo huko nyuma hiki kitu kilikuwa na mwitikio mdogo sana katika Nchi yetu”

Taifa lina imani kubwa sana na Wanawake kwenye kila jambo, ni wajibu wetu kuwatia moyo wanawake wenzetu ambao wanajitoa katika Taifa letu”Amesema Mhe. Senyamule.

Aidha Mhe.Senyamule ameendelea kuwahamasisha wanawake kujitokeza kupiga kura kwani ni haki na wajibu wa kila mtu kumchangua kiongozi bora wa nchi.

Kikao hicho kilichokuwa na  ajenda 04 ambazo ni Elimu ya Mpiga kura,Mafanikio ya Serikali ya Awamu ya Sita,elimu ya vitambulisho vya Mjasiriamali,fursa za zabuni kutoka PPRA kwa kundi la Wanawake,pamoja na kusikiliza kero.

#DodomaFahariyaWatanzania

#NimejiandikishaNitapigaKura

#UmejiandikishaKapigeKura

#KuraYakoHakiYakoJitokezeKupigaKura