“MHE. RAIS AMEFUNGUA NCHI, MWAMKO WA WATU KUJUA ITIFAKI, UMEONGEZEKA” - RC SENYAMULE

Imetumwa : January 26th, 2025

Na. Sophia Remmy

Dodoma RS - Habari

Mkuu wa  Mkoa wa Dodoma,mheshimiwa Rosemary  Senyamule amesema kuwa mwamko wa watu wengi kujifunza  masuala ya itifaki umetokana na utashi wa Mhe. Rais katika masuala ya Diplomasia pamoja kazi kubwa anazozifanya .

Mhe. Senyamule ameyasema hayo  leo Januari 26,2025, wakati akifunga mafunzo ya siku 3 ya  Itifaki ya Diplomasia na ustaarabu yaliyoandaliwa na taasisi binafsi ya  'Protocol Service Team'(PST)  kwenye ukumbi wa Kapteni John Komba uliopo Jakwaya Kikwete Conversation Center jijini Dodoma.

Akizungumza wakati wa hotuba yake Mhe. Senyamule ameeleza umuhimu wa mafunzo hayo kwa Wananchi, ambapo amesema kuwa unatokana na mabadiliko yanayoendelea kutokea  Nchini.

" Kipekee kabisa nichukue fursa hii kumpongeza  Mhe.Rais wa Jamhuri ya Muungano wa Tanzania,Daktari Samia Suluhu Hassan,tunapompongeza Mhe. Rais kila wakati, wananchi wengine hawajui ni kwa nini tunampongeza, tunampongeza  si kwa sababu tunataka tu   kusema,tunampongeza kwa sababu na yeye kuna mambo ameyafanya.

Mimi nilipokuwa naendelea kutafakari,kwa nini mwamko wa mambo ya itifaki  umekuwa mkubwa sasa,nikaona kuna kitu amekifanya, kimepelekea mahitaji ya watu wa kujua itifaki kuwa mengi.

Yeye alipofungua Nchi,sisi tu,mfano wa hapa Dodoma,watu wanaokuja,mimi nikikaa ofisini kila siku,kila wiki napokea Mabalozi wawili,watatu,napokea mikutano ya kutosha,naona hivyo Arusha,naona hivyo          Dar es Salaam,na Mikoa mingine pia naona.Sasa wote tukiwa na mikutano,tutahitaji  watu wa kutuongoza,watu wa kuongoza wageni,kwa hiyo yeye alipofungua Nchi,amefungua kwa namna ambayo yeye alisema,lakini 'impact' yake imetugusa hata sisi ambao tunahitaji watu wa kuongoza mikutano,na taratibu nyingine ziende vizuri.Amesema Mhe. Senyamule

Mhe. Senyamule ameongeza kusema kuwa baada ya historia ya  miaka mingi Tanzania inapokea Marais wa Nchi za Afrika 25,Mawaziri wa Fedha na Mawaziri wa nishati 60,na kwamba hilo sio jambo dogo, ni kutokana na kazi anayoifanya Mhe Rais ambayo Dunia inaiona.

Katika miaka ya karibuni, tumeshuhudia kuimarika kwa kiasi kikubwa kwa uhusiano wa Kimataifa kati ya Nchi yetu na Mataifa mengi Duniani,hayo yote ni matunda ya jitihada za Rais wetu kuimarisha demokrasia na kuendesha Nchi katika misingi aliyojiwekea ya R 4.