POLISI DODOMA WAPONGEZWA KWA KUWA MSTARI WA MBELE UHAMASISHAJI MATUKIO YA KITAIFA

Imetumwa : May 19th, 2025

Na Sofia Remmi:

Habari:Dodoma RS

Mkuu wa Mkoa wa Dodoma Mhe.Rosemary Senyamule tarehe 19 Mei 2025,amefunga bonanza la michezo katika uwanja wa Mtekelezo Jijini Dodoma lililoandaliwa na Jeshi la Polisi Mkoa wa Dodoma kwa ajili ya kuhamasisha wananchi wajitokeze katika uboreshaji wa daftari la kudumu la mpiga kura.

Akizungumza wakati  wa  hotuba  yake, Mhe. Senyamule amelipongeza jeshi hilo kwa kuwa mstari wa mbele kuanzisha kampeni za uhamasishaji pindi yanapotangazwa mazoezi ya Kiserikali.

“Ni mara ya Nne kushiriki hamasa zinazotolewa katika mabonanza yanayoandaliwa na Jeshi la polisi. Kila yanapotokea matukio ya Kitaifa mmekuwa nafasi ya mbele kuanzisha michezo ya kampeni inayoendana na matukio hayo.

Ninawapongeza kwa kampeni hii ya uchaguzi salama unawezekana, kwa kuleta hamasa kwa vijana na jamii kwa ujumla ili kuwaunganisha Wanadodoma na Watanzania kwa ujumla  kufanya uchaguzi wa amani”amesema Senyamule.

Kwa upande wake Kamanda wa polisi Mkoa wa Dodoma SACP George Katabazi amesema michezo inasaidia kupunguza uhalifu katika mkoa wa Dodoma na hii kampeni tumeianzisha ili kuzuia na kutokemeza uhalifu kwa vijana.

“Tumeanza michezo hii na polisi Jamanii,na imekusanya wachezaji kutoka kata 14 za Mkoa na michezo hii imeenda sambamba na kuelimisha kujitokeza katika kujiandikisha katika Daftari ka Kudumu la Mpiga kura na kushiriki kujitokeza kupiga kura” Amesema katabazi

#RPC CUP

#dodomafahariyawatanzania

#wekezadodomastawishadodoma

#keroyakowajibuwangu

#mtiwangubirthdayyangu