RAS MMUYA AWAAHIDI ZAWADI NONO WANAMICHEZO - UMITASHUMTA

Imetumwa : June 17th, 2025

Katibu Tawala Mkoa wa Dodoma Bw. Kaspar Mmuya, Juni 15,2025 ameitembelea  timu ya Mkoa wa Dodoma inayoshiriki mashindano ya Shule za Msingi (UMITASHUMTA) Kitaifa yanayofanyika Mkoani Iringa.

Dhamira ya kuitembelea timu hiyo ni kushuhudia namna michuano hiyo inavyoendelea pamoja na kutoa hamasa kwa wachezaji ili waendelee kufanya vyema na kuifaharisha Makao Makuu ya Nchi, yaani Dodoma.

Mmuya ameshuhudia michezo miwili ikiwemo mpira wa pete kati ya Dodoma na Geita pamoja na Mpira wa Miguu  Wasichana kati ya Dodoma na Manyara.

Aidha,amewaahidi wanamichezo hao zawadi nono kem kem ikiwemo fedha taslimu na nyinginezo  ikiwa watafanikiwa kurudi na makombe ya michezo tofauti tofauti Mkoani Dodoma.

Maadhimisho hayo ya shule za Msingi yanaendelea katika Viwanja vya Shule za Sekondari ya Wasichana Iringa , Lugalo Shule ya Msingi Kreluu pamoja na  Chuo Cha ualimu Kreluu.

#dodomafahariyawatanzania

#wekezadodomastawishadodoma

#keroyakowajibuwangu

#mtiwangubirthdayyangu