RC SENYAMULE AZIPONGEZA ‘JOGGING CLUBS’

Imetumwa : December 14th, 2024

Na. Sizah Kangalawe 

Habari- Dodoma Rs

Vilabu vya mbio za mwendo wa pole (Jogging Clubs) Mkoa wa Dodoma vimepongezwa kwa kuendelea kuwa na mshikamano na kuwa vinara wa kuhamasisha watu kufanya mazoezi  kuboresha afya zao na kuepukana na magonjwa yasiyo ya kuambukiza, pamoja na kuelimisha jamii kupitia kampeni mbalimbali.

Mhe.  Senyamule ametoa pongezi hizo baada ya kumalizika kwa mbio fupi zilizofanyika kwa kuratibiwa na ofisi yake  kwa kushirikiana na 'Friends of Mavunde' na 'Dodoma City legends familly'.

"Katika makundi tuliyonayo kwa Mkoa wetu hivi vilabu vya Jogging wamekuwa vinara wa kuimarisha mshikamano wao wenyewe na sisi wafuasi tunaoungana nao kufanya mazoezi, ni makundi ambayo hayana uvivu wa kufuatilia jambo lao wakiamua nawapongeza sana.

 Kupitia mchango wao wa kuhamasisha unatupa sisi fursa ya kufikisha jumbe mbalimbali kwa jamii, jambo kubwa nimefurahi leo, kwa sababu mazoezi haya ni utekelezaji wa maelekezo ya Rais wetu ya kila Jumamosi ya pili ya mwezi iwe ni siku ya mazoezi kwa ajili ya kutunza afya zetu na kupunguza magonjwa yasiyo ya kuambukiza. Leo ni Jumamosi ya pili ya mwezi Disemba  kwahiyo sisi tumetimiza maelekezo ya Rais wetu, hongereni sana", Mhe Senyamule

Naye kaimu katibu tawala Mkoa Bw. Gwamaka Mlagila amesema "Michezo ni afya na kutoa damu ni upendo na hakuna michezo bila upendo, kwahiyo niwahamasishe mjitokeze kwa wingi kuchangia damu Ili ziwasaidie wagonjwa wanaohitaji damu'', Mlagila

Mbio hizo zimeanzia katika Ofisi ya Mkuu wa Mkoa wa Dodoma hadi katika Bustani ya Mapumziko ya Chinangali (Chinangali park) Jijini Dodoma ikiwa ni umbali wa Kilomita 5.

Hatahivyo vikundi vya "Dodoma City  Legends family na kikundi cha Friends of Mavunde' wametumia siku hii kufanya uzinduzi rasmi wa vikundi vyao na watashiriki mambo mbalimbali ya kurudisha furaha kwa jamii kwa kuwatembelea watoto yatima na kuchangia damu zitakazookoa maisha ya wengine.

Vikundi hivyo vinafanya matendo hayo ya huruma kupitia kaulimbiu " Rejesha Tabasamu Kwao".

#dodomafahariyawatanzania

#rejeshatabasamukwao

#upendoamaninamshikamanodaima.