SERIKALI IMEENDELEA KUWEKA MANUNUZI YA UMMA KIDIGITAL

Imetumwa : June 27th, 2024

Hayo yamebainishwa na Kiongozi wa Mbio za Mwenge wa Uhuru Kitaifa Ndg. Godfrey E. Mnzava wakati akikagua Mradi wa maji iliopitiwa na Mbio za Mwenge wa Uhuru 2024 katika Halmashauri ya Wilaya ya Mpwapwa leo Juni 27, 2024.

Akizungumza na baadhi ya wananchi na viongozi mbali mbali waliojitokeza katika Mbio hizo, Ndg. Mnzava amesema anawapongeza Wakala wa maji na usafiri wa Mazingira vijijini RUWASA kwa kuendelea kufuata utaratibu mzuri wa manunuzi yote katika mradi wa Maji.

"RUWASA imefuata sheria za manunuzi hivyo niwapongeze kwa umakini huo na uzalendo kwa Wananchi kwani fedha nyingine zinaletwa ili miradi ikamilike kwa ubora uliotarajiwa"

"Rais wa Jamhuri ya Muungano wa Tanzania Mhe. Dkt. Samia Suluhu Hassan analeta fedha nyingi ili kupunguza ugumu wa kupata Maji kwa Wananchi kwa kutembea umbali mrefu kuyatafuta" Amesema Mnzava.

Hata hivyo, Mwenge huo ulitembelea miradi ya Maji inayogharimu kiasi cha shilingi Bilioni 4, pamoja na miradi mingine kama vile ujenzi wa Maabara katika kituo cha afya Rudi unaogharimu kiasi cha shilingi Milioni 70, Mradi wa Shule ya Sekondari Kimaghai A, Mradi wa ujenzi wa Daraja la NMB unaogharimu kiasi cha shilingi Milioni 599,Shule ya Msingi Chazungwa na Mradi wa Kikundi cha vijana cha ushonaji Nguo.

Aidha Mwenge ulikimbia kilometa 187.6 katika Halmashauri hiyo kwa kaulimbiu ya "Tunza Mazingira, Shiriki Uchaguzi wa Serikali za mitaa kwa ujenzi wa Taifa Endelevu.