SERIKALI YAENDELEZA USHIRIKIANO NA JESHI LA ZIMAMOTO DODOMA

Imetumwa : October 8th, 2024

Na; Happiness E. Chindiye

     Habari - Dodoma RS

Serikali ipo pamoja na jeshi la zimamoto na uokoaji katika kuhakikisha mikakati ya uokoaji wa maisha na Mali za wananchi zinakuwa salama dhidi ya majanga mbalimbali likiwemo janga la moto kwa kutekelezwa kwa ufanisi.

Hayo yamesemwa Leo Oktoba 08, 2014 na Mkuu wa Mkoa wa Dodoma Mhe. Rosemary Senyamule wakati wa uzinduzi wa Kampeni ya Usalama wa Moto kwa Umma, iliyozinduliwa  kwenye ukumbi wa Mkutano Jengo la Mkapa Jijini Dodoma.

“ Serikali imeweka mikakati mingi katika kuhakikisha maisha na Mali za wananchi zinakuwa salama naomba niwahakikishie Serikali ipo pamoja na Jeshi la zimamoto na ukoaji kuhakikisha jukumu hilo linafanyika kwa vitendo na umahiri mkubwa" Amesema Mhe. Senyamule

Aidha, ametoa rai kwa Jamii kukata bima za  nyumba na kuzingatia sheria za mazingira pamoja na  sheria za moto kwa kutochoma moto hovyo.

Akisoma risala kwa mgeni rasmi, Kamanda wa Jeshi la Zimamoto na Uokoaji Mkoa wa Dodoma Mrakibu - Rehema Menda amesema Kampeni hiyo ya Usalama wa Moto kwa Umma ni mahsusi kwa ajili ya kuimarisha usalama wa Moto ndani ya Mkoa wa Dodoma.

Jeshi la zimamoto na uokoaji limetumia hadhara hiyo kuhamasisha  wananchi kuendelea kuchukua tahadhari dhidi ya moto kwa kuweka mitungi ya kuzimia moto kwenye Mazingira ya nyumbani na ofisini pamoja na kupiga namba “114” ya dharura pale inapotokea changamoto ya moto.

&&&

#Dodomafahariyawatanzania

#dodomatukotayarikujiandikisha

#keroyakowajibu