TAASISI ZA UMMA ZASISITIZWA KUUNGANISHA MFUMO YAO GovESB KWA UBOBA WA HUDUMA

Imetumwa : June 23rd, 2025

Na. Hellen M. Minja

       Habari – DODOMA RS

Tasisi za Umma zinazotoa huduma kwa Wananchi zimesisitizwa kuhakikisha Mifumo wanayoiunda inaunganishwa na ule wa Serikali (GovESB) ili iweze kusomana na kuwa kwenye gurudumu moja la kuboresha huduma ndani ya Serikali ya Jamhuri ya Muungano wa Tanzania.

Hayo yamebainishwa na Waziri Mkuu wa Tanzania Mhe. Kassim Majaliwa alipokua akihitimisha maonesho ya Wiki ya Utumishi wa Umma ambapo kilele chake kimefanyika Juni 23, 2025 kwenye viwanja vya Bustani ya mapumziko ya  Chinangali Jijini Dodoma.

“Taasisi zote za Umma zenye Mifumo na ambazo zinaendelea kubuni Mifumo, zihakikishe Mifumo hiyo inasomana na iweze kubadilishana taarifa kupitia Mfumo wa Serikali wa GovESB ili twende kwenye gurudumu moja la kuboresha huduma ndani ya Serikali yetu.”

Aidha, Waziri wa Ofisi ya Rais Utumishi na Utawala Bora, Mhe. George Simbachawene ameelezea faida za Mfumo wa Wekeza Faida ambao ni mkombozi kwa Watumishi kwani unawawezesha kushiriki Uchumi wa kisasa kwa kuwekeza hisa ambapo wanaruhusiwa kuweka kiasi chochote kwa kadri watakavyopata.

Akitoa salaam za Mkoa, Mkuu wa Mkoa wa Dodoma Mhe. Rosemary Senyamule, amemshukuru Mhe. Rais kwa kuboresha utoji huduma kwa wananchi.

“Tunaposherehekea wiki hii, Mkoa wa Dodoma tunatoa shukrani kwa Mhe. Rais na Serikali yote kwa ujumla kwa jinsi ambavyo wamerahisisha kazi za Watumishi kwa kufanya mambo ambayo yamepelekea kuimarika kwa huduma kwa jami, Wafanyakazi wamekua na furaha, wameongeza huduma lakini tumeshuhudia kupungua kwa kero za Wananchi”.

Siku ya Utumishi wa Umma Duniani ni siku maalum ya Watumishi wa Umma ambayo husherehekewa kila ifikapo Juni 23 na Wanachama wa Umoja wa Afrika (AU) kwa lengo la kutambua mchango wa Watumishi hao katika nchi zao ambapo Maadhimisho yake huambatana na maonesho mbalimbali ya huduma ambayo huanza Juni 16 hadi Juni 23.

Kaulimbimbiu: “Himiza Matumizi ya Mifumo ya Kidijiti ili Kuongeza Upatikanaji wa Taarifa na Kuchangia Uwajibikaji”

#dodomafahariyawatanzania

#wekezadodomastawishadodoma

#keroyakowajibuwangu

#mtiwangubirthdayyangu