VIONGOZI NA WATAALAMU WA ELIMU MKOA WA DODOMA WAPIGA KAMBI YA SIKU TATU (3), KUPANGA MIKAKATI YA KUINUA UBORA WA ELIMU DODOMA

Imetumwa : December 11th, 2024

Na. Sizah Kangalawe 

Habari- Dodoma Rs

Viongozi na wataalam wa Elimu Mkoa wa Dodoma, wamepiga kambi ya siku 3 Wilayani Kondoa wakiwa na dhamira ya kufanya tathmin ya Elimu kwa Mwaka 2024 pamoja na kujadili na kuandaa mbinu, mikakati mbalimbali itakayopandisha ubora wa Elimu Mwaka 2025.

Kambi hiyo inafanyika kuanzia Disemba 10 - 12/2024 katika Chuo cha Ualimu Bustani  ikiongozwa na Afisa Elimu Mkoa wa Dodoma Mwl. Vicent Kayombo.

Aidha,katika kambi hiyo zimefundishwa mada mbalimbali, mijadala ya pamoja ya Elimu, kuandaa Mipango mikakati ya kuongeza Motisha kwa Walimu na wanafunzi ili kupandisha ufaulu wa Mkoa pamoja na kufanya tathmin ya kung'amua changamoto zilizojitokeza 2024 na kutafuta njia nzuri za kukabiliana nazo katika mwaka ujao.

Washiriki wa Kambi hiyo ni Maafisa Elimu na Maafisa Michezo wa Wilaya zote, CWT Dodoma, Wathibiti Ubora, Baraza la Walimu Mkoa, Maafisa Elimu ngazi ya Mkoa pamoja Wadau wengine wa Elimu.

 Hata hivyo Mkuu wa Mkoa wa Dodoma Mhe. Rosemary Senyamule anatarajiwa kuwa mgeni rasmi katika siku ya kufunga Kambi hiyo Disemba 12/2024 akiambatana na Viongozi wa Kiutendaji wa ngazi ya Halmashauri zote za Mkoa wa Dodoma.

Kaulimbiu  " Uwajibikaji Wangu ni Msingi wa Kuinua Ubora wa Elimu na Ufaulu Dodoma".

#dodomafahariyawatanzania

#dodomayakimataifa