BAHI WAPEWA HEKO UJENZI MIRADI YA ELIMU

Imetumwa : October 8th, 2025

Na. Sizah Kangalawe

Habari -Dodoma RS.

Viongozi wa Halmashauri ya Wilaya ya Bahi, wamepongezwa kwa kutekeleza miradi ya sekta ya elimu kwa wakati na kuzingatia ubora uliokusudiwa pasi na kuathiri gharama zilizotolewa.

Pongezi hizo zimetolewa na Mkuu wa Mkoa wa Dodoma Mhe. Rosemary Senyamule Oktoba 8, 2025 wakati alipofanya ziara ya kikazi ya kukagua miradi ya elimu Wilayani humo.

"Niwapongeze Bahi kwasababu najua fedha hizi zimekuja mwezi wa 6 mwishoni, kwahiyo wengi hawakuweza kuzitumia kwa muda ule kwasababu ya mambo ya mifumo, mmeanza kutumia fedha hizi mwezi wa 8 lakini leo tunavyoona hapa ni kazi

 ya mwezi mmoja tu.

"Mimi niwapongeze mafundi na nikupongeze Mwalimu kwa kazi nzuri ya usimamizi. tukienda sehemu nyingine sasa hivi bado wapo kwenye hatua za manunuzi au wanaanza msingi, lakini nyie mmekuwa 'serious' mmefika hapa, nitoe shime sasa mkamilishe kwa wakati uliopangwa kama mlivyoeleza,msilegelege mpaka shule hizi zikamilike", alipongeza Mhe. Senyamule

Akisoma taarifa ya ujenzi wa shule mpya ya msingi, Mkuu wa Shule ya Sekondari Mpamatwa Bw. Sulusi Eliezer ametaja manufaa ya mradi huo "mradi huu umechochea maendeleo ya kijamii na kiuchumi, ambapo ujenzi wa shule hii umeleta ajira mbalimbali za muda kwa wananchi waliopo katika eneo hili", alisema Eliezer

Kwa mujibu wa Mkuu huyo ujenzi wa shule hiyo utagharimu jumla ya Tsh. 302,000,000/= hadi kukamilika kwake.

Awali Mhe. Senyamule alitoa heko kwa benki ya NMB  kuendelea na Ujenzi wa Shule ya Sekondari jumuishi kwa wanafunzi wenye mahitaji maalumu wenye thamani ya zaidi ya Tsh. Bilioni 3 ambapo hadi sasa umefikia 86% na unatekelezwa na mkandarasi SUMA JKT.

Naye Mkuu wa Wilaya ya Bahi Mhe. Joachim Nyingo, ameishukuru benki ya NMB kwa kuichagua Wilaya yake na kujenga shule hiyo, kwani inajengwa Bahi pekee chini ya ufadhili wao.

#DodomaFahariyaWatanzania

#KuraYakoHakiYakoJitokezeKupigaKura

#NimejiandikishaNitapigaKura

#UmejiandikishaKapigeKura