BURIANI ADELLA MLINGI

Imetumwa : August 6th, 2025

Mkuu wa Mkoa wa Dodoma Mhe. Rosemary S. Senyamule leo Agosti 06, 2024 ameongoza waombolezaji kuaga na kumpumzisha kwenye nyumba yake ya milele aliyekuwa Mtumishi wa Ofisi ya mkuu wa Mkoa  Bi. Adella  Aristaricky Mlingi aliyekuwa akihudumu nafasi ya Afisa afya Mwandamizi .

Viongozi mbalimbali wa Serikali ya Mkoa wamehudhuria Mazishi hayo wakiwemo Wakuu wa Wilaya za Chamwino na Dodoma ambao wameungana na Watumishi wa ofisi hiyo na Familia ya Marehemu.

Ikumbukwe kuwa, Bi. Mlingi alifariki tarehe 3.8.2025 saa tisa na nusu alfajiri katika Hospitali ya Kanda ya Benjamin Mkapa alipokuwa akipatiwa matibabu baada ya kupata changamoto ya upumuaji.

Ofisi ya Mkuu wa Mkoa itamkumbuka daima kwa uchapakazi wake katika kulijenga Taifa sambamba na ucheshi kwa Watumishi wenzake.

Raha ya milele umpe ee Bwana na mwanga wa milele umwangazie, apumzike kwa amani. Amina.