DKT. KAZUNGU ATEMBELEA ENEO LENYE MGOGORO WA ARDHI NKUHUNGU , NDACHI

Imetumwa : September 11th, 2025

Na. Hellen M. Minja

       Habari – DODOMA RS

Katibu Tawala Mkoa wa Dodoma Dkt. Khatibu Kazungu akiambatana na Kaimu Katibu Tawala Msaidizi Sehemu ya Miundombinu, Mhandisi Frank Mabubu pamoja na Maafisa Ardhi kutoka Ofisi ya Kamishna wa Ardhi Mkoa wa Dodoma, wametembelea eneo lililopo Nkuhungu Ndachi, Kata ya Mnadani lenye mgogoro wa umiliki kati ya Bi. Asha Berege na Sisters of St. Grace, Septemba 11, 2025.

Mgogoro huo unahusisha eneo lililokua shamba mwaka 1986 ambapo kwa sasa ni Kiwanja, linalodaiwa kumilikiwa na Bi. Asha Berege akiwa na hati ya umiliki lakini eneo hilo hilo liliuzwa kwa Sisters of St. Grace ambao pia wana nyaraka halali za umiliki kutoka kwa Bi. Fransisca Mahemba.

Hata hivyo, Dkt. Kazungu amesikiliza historia ya mgogoro huo kutoka pande zote mbili pamoja na kuoneshwa eneo lenye mgogoro na ametoa muda wa majuma mawili kwa Maafisa Ardhi hao kufuatilia nyaraka zote za wakati huo ili kujiridhisha nani hasa ni mmiliki halali wa eneo kisha atakutana na wahusika wote ili kutatua mgogoro huo.

 #dodomafahariyawatanzania

#wekezadodomastawishadodoma

#keroyakowajibuwangu

#mtiwangubirthdayyangu