PONGEZI KUTOKA KWA MKUU WA MKOA WA DODOMA KWA PROF. MOHAMED JANABI

Imetumwa : May 20th, 2025

Mkuu wa Mkoa wa Dodoma Mhe. Rosemary Senyamule anatoa pongezi za dhati kwa Profesa Mohammed Janabi kwa kuchaguliwa kuwa Mkurugenzi wa Shirika la Afya Duniani ( WHO) - Kanda ya Afrika.

Kuchaguliwa kwake ni ushahidi wa dhahiri wa Uongozi wake bora, weledi wa hali ya juu na mchango mkubwa alioutoa katika kuimarisha huduma za Afya nchini Tanzania na katika Bara la Afrika. Ni fahari kubwa kwa Taifa letu na tunalitambua jambo hili kama chachu ya motisha kwa wataalamu wa Afya na viongozi wote wenye maono.

Mkoa wa Dodoma unamtakia Prof. Janabi mafanikio mema katika wadhifa huu wa kihistoria. Tunaamini kuwa Afrika itanufaika kwa kiasi kikubwa kupitia dira na uongozi wake shirikishi wa kuleta mabadiliko chanya katika sekta ya Afya.

"Hongera sana Prof. Janabi, tunajivunia mafanikio yako na tunakutakia kila la kheri katika safari hii mpya ya kipekee."

Imetolewa na:

Kitengo cha Mawasiliano Serikalini,

Ofisi ya Mkuu wa Mkoa,

Dodoma

Mei, 2025