RAS MMUYA AHIMIZA UPENDO

Imetumwa : January 24th, 2025

Na. Sizah Kangalawe

Habari- Dodoma RS

Katibu Tawala Mkoa wa Dodoma Bw. Kaspar Mmuya Mapema Januari 24,2025, amekutana na kuzungumza na watumishi wa Ofisi ya Mkuu wa Mkoa wa Dodoma kwa lengo la kuwakumbusha mambo mbalimbali ya kiutendaji pamoja na kudumisha umoja na ushirikiano baina ya Uongozi na Watumishi wa ofisi hii.

Miongoni mwa aliyozungumza Bw. Mmuya ni kuwataka wakuu wa idara na vitengo kuwa na usawa kwa watumishi wanaowaongoza katika idara/vitengo vyao  kwa kuzingatia kanuni na miongozo inavyoelekeza, pamoja na kuwashirikisha watumishi wao juu ya masuala muhimu ya kitengo yakiwemo masuala ya bajeti.

Hatahivyo Bw. Mmuya ameendelea kuwaasa watumishi  kuendeleza upendo baina yao kwani kupitia upendo, ufanisi wa kazi unaimarika  na kurahisisha ushirikiano mzuri baina ya mtu mmoja mmoja na Ofisi kwa ujumla wake.