RAS MMUYA AWAASA WATUMISHI KUFANYA KAZI KWA KUJIFUNZA

Imetumwa : March 10th, 2025

Na Francisca Mselemu

      Dodoma RS

Katibu Tawala Mkoa wa Dodoma   ndugu Kaspar Mmuya amefanya zíara ya kikazi katika wilaya ya Mpwapwa Machi 10,2025.

 Akiwa katika ziara hiyo Mmuya amezungumza na Watumshi wa  Halmashauri ya Wilaya ya Mpwapwa ambapo  amewataka kuacha mazoea katika vituo vyao vya kazi na badala yake wafanye kazi kwa kujifunza ili  kukua kitaaluma zaidi na kuweza kutoa matokeo mazuri ya utendaji kazi wao.

 Amesema ni lazima mtumishi atambue wajibu wake anapokuwepo kazini ili aweze kutekeleza majukumu yake ipasavyo,na kwamba hiyo itasababisha  mtumishi huyo kuweza kujiamini katika nafasi  aliyopo,huku akiasa kuepuka matumizi mabaya ya cheo .

"Acha mazoea kwenye kazi,kila siku jifunze ili uweze kukua kitaaluma usizoee kazi,Bosi wala Kiongozi wako ila usimuogope.Tembea kifua Mbele kwa kujiamin unatosha kwa nafasi hiyo,ila usitembee na cheo chako kama mtumishi wa Serikali"amesema Katibu Tawala Mmuya.

Aidha amewataka Watumishi kuishi kwa upendo wawapo kazini  kwani  ndio mahali wanapotumia muda  mwingi zaidi wa maisha yao .

#dodomafahariyawatanzania

#keroyakowajibuwangu

#mtiwangu,birthdayyangu