rc dodoma ataka maeneo yote yanayozunguka vituo vya reli ya kisasa ya sgr kupimwa na kutegenezewa mpango mji

Imetumwa : July 5th, 2019

mkuu wa mkoa wa dodoma dr binilith mahenge amemwagiza mkurugenzi wa halashauri ya mpwapwa ndg. paul mamba sweya kuhakikisha anayapima maeneo yote ya ardhi yanayozunguka sehemu zitapojengwa vituo/stesheni za reli ya kisasa ya mwendo kasi sgr na kusema kwamba maeneo hayo yanatakiwa kutengenezewa mpango mji na kusimamiwa uendelezaji wake na sio kuachwa wananchi wayaendeleze kiholela. amesema maeneo hayo yanaweza kupangwa kuendeleza kama maeneo mapya ya viwanda kwa kuwa itakuwa rahisi kusafirisha malighafi na bidhaa zitakazozalishwa kwa sababu ya reli hiyo ya kisasa inayojengwa. 

mkuu wa mkoa dkt. mahenge ametoa maagizo hayo julai 4 alipokuwa kwenye ziara wilayani mpwapwa kukagua miradi ya maendeleo na kusikiliza kero za wananchi kwenye mikutano ya hadhara, ambapo alitembelea mradi wa ujenzi wa reli ya kisasa ya mwendo kasi sgr  stesheni ya gulwe ambapo pia aliwataka wananchi wa mpwapwa kujipanga vizuri ili kufaidika na reli hiyo ya kisasa kwa kuanza kujiandaa kwenye shughuli za uzalishaji mazao ya chakula, biashara mbogamboga na matunda, mifugo na biashara mbalimbali.